যোৰহাটত বহাগী মেলা

হেঁপাহৰ ৰঙালী বিহুলৈ মাজত মাত্ৰ কেইটামান দিন ৷ ৰাজ্যবাসীয়ে এইবাৰ নিৰ্বাচনৰ গৰম বতাহৰ মাজতে পালন কৰিব আদৰৰ ৰঙালী বিহু ৷ বিগত বছৰত কৰ'ণাৰ বাবে ৰাজ্যবাসীয়ে পালন কৰিব পৰা নাছিল হেঁপাহৰ ৰঙালী বিহু তথা বহাগী মেলা ৷ কিন্তু এইবাৰ পালন কৰা হ'ব অসমীয়া প্ৰাণৰ উৎসৱ ৰঙালী বিহু ৷ এইবেলি অসমৰ সাংস্কৃতিক নগৰী হিচাপে খ্যাত যোৰহাট জিলাত ক্ৰাফ্ট কাউঞ্চিল নৰ্থ ইষ্ট নামৰ সংস্থাটোৱে যোৰহাট জিলা ক্ৰীড়া সন্থাৰ খেল পথাৰত আয়োজন কৰিছে বহাগী মেলা ৷ ১ এপ্ৰিলৰ পৰা আৰম্ভ হোৱা এই বহাগী মেলাত বিহু কৰ্মশালাৰ উপৰিও অনুস্থিত হ'ব বিভিন্ন সাংস্কৃতিক অনুষ্ঠান ৷