Har Ghar Triranga: ৰঙাপৰা উন্নয়ন খণ্ড কাৰ্যালয়ত ত্ৰিৰংগা বিক্ৰী কেন্দ্ৰ মুকলি

শোণিতপুৰ জিলাৰ ৰঙাপৰা উন্নয়ন খণ্ড কাৰ্যালয়ত শুকুৰবাৰে মুকলি কৰা হয় ত্ৰিৰংগা বিক্ৰী কেন্দ্ৰ । আজাদী কা অমৃত মহোৎসৱৰ লগত সংগতি ৰাখি 'হৰ ঘৰ ত্ৰিৰংগা' কাৰ্যসূচী (Har Ghar Tiranga campaign)ঘৰে ঘৰে উৰিব তিনি বৰণীয়া জাতীয় পতাকা । সেয়ে ৰঙাপৰাত জীৱিকা অভিযান আঁচনিৰ আৰোহিনী মণ্ডল সংগঠনৰ মহিলাসকলে মুকলি কৰে এটি ত্ৰিৰংগা বিক্ৰী কেন্দ্ৰ(Flag sales center open at Rangapara) । এই কেন্দ্ৰটো মুকলি কৰাৰ মূল উদ্দেশ্য হৈছে স্থানীয় ৰাইজক সুলভ মূল্যত থলুৱা মহিলাসকলে তৈয়াৰী কৰা ৰাষ্ট্ৰীয় পতাকা বিক্ৰী কৰা ৷ ৰঙাপৰা উন্নয়ন খণ্ডৰ খণ্ড উন্নয়ন বিষয়া নিশিনাথ শৰ্মা আৰু আত্ম সহায়ক গোটৰ মহিলা সদস্যাসকলৰ উপস্থিতত কেন্দ্ৰটি মুকলি কৰে ৰঙাপৰা আৰক্ষী থানাৰ ভাৰপ্ৰাপ্ত আৰক্ষী বিষয়া দেৱেন বৰাই । ইফালে, থলুৱাভাৱে তৈয়াৰী ৰাষ্ট্ৰীয় পতাকাসমূহ মাত্ৰ ৫০ টকা মূল্যত বিক্ৰী হ'ব বুলি জানিবলৈ দিয়ে সংগঠনটোৰ মহিলাসকলে ।