বিজেপিৰ মিচন ১০০+ সফল হ'ব: প্ৰদীপ হাজৰিকা

এতিয়া ৰাজ্যৰ চৌদিশে চলিছে নিৰ্বাচনৰ গৰম বতাহ ৷ ভাষণৰ ফুলজাৰিৰে ভোটাৰ ৰাইজক আকৰ্ষণ কৰিবলৈ চেষ্টা কৰি আছে প্ৰতিটো দলৰে প্ৰতিজন প্ৰাৰ্থীয়ে ৷ বিধানসভা নিৰ্বাচনলৈ মাজত মাথো কেইটামান দিন বাকী থকা অৱস্থাতে দিছপুৰ দখলৰ বাবে উঠি পৰি লাগিছে ৰাজ্যৰ প্ৰতিটো ৰাজনৈতিক দল ৷ কোন দলে কিমান আসন লাভ কৰি দিছপুৰত গাদী দখল কৰিব তাক লৈ চৰ্চা চলাই থকাৰ সমান্তৰালভাৱে ৰাজনৈতিক দল সমূহে চলাই গৈছে নিৰ্বাচনী প্ৰচাৰ ৷ তাৰ মাজতে আমগুৰিৰ এখন ৰাজহুৱা সভাত এগৰাকী বয়োজ্যষ্ঠ ভোটাৰৰ মন্তব্য "ধন্য ধন্য কলি কাল ধন্য নৰ তনু ভাল"। মোদী চৰকাৰৰ দিনত দেশত বহু উন্নতি হৈছে । আমগুৰি বাসীয়ে প্ৰদীপ হাজৰিকাক এজন বীৰৰ দৰে প্ৰাৰ্থী পাইছে ৷ ইফালে, প্ৰাৰ্থী প্ৰদীপ হাজৰিকাই চত্তিশগড়ৰ প্ৰাক্তন বিজেপি সাংসদ বলোৰাম তিৱাৰী আৰু মিত্ৰজোঁটৰ বহু কৰ্মীক লগত লৈ প্ৰচাৰত নামিছে ৷ বিজেপিৰ মিচন ১০০+ সফল হ'ব বুলি আত্মবিশ্বাসী প্ৰাৰ্থী গৰাকী ৷