এতিয়া ভগৱানে একমাত্ৰ ভৰসাঃ হিমন্ত বিশ্ব শৰ্মা

অসমৰ প্ৰাক্তন মুখ্যমন্ত্ৰী তৰুণ গগৈৰ স্বাস্থ্যৰ অৱস্থা সম্প্ৰতি যথেষ্ঠ শোচনীয় ৷ প্ৰাক্তন মুখ্যমন্ত্ৰীগৰাকীৰ আশু আৰোগ্য কামনাৰে গুৱাহাটী চিকিৎসা মহাবিদ্যালয় হাস্পতালৰ চৌহদত উপস্থিত হৈছে সপত্নীক স্বাস্থ্য মন্ত্ৰী ডঃ হিমন্ত বিশ্ব শৰ্মা ৷ স্বাস্থ্য মন্ত্ৰী গৰাকীয়ে সংবাদ মাধ্যমৰ আগত প্ৰকাশ কৰা অনুসৰি, সম্প্ৰতি চিকিৎসকসকলৰ কৰিবলগীয়া কাম একো নাই ৷ এই সময়ত একমাত্ৰ ভৰসা হৈ পৰিছে ভগৱান ৷ স্বাস্থ্য মন্ত্ৰী শৰ্মাৰ এনে প্ৰতিক্ৰিয়া প্ৰকাশে গগৈৰ গুণমুগ্ধসকলক যথেষ্ঠ পৰিমাণে চিন্তিত কৰি তুলিছে ৷