যোৰহাটত জলসম্পদ মন্ত্ৰী পীযুষ হাজৰিকাৰ সংবাদ মেল

অসম চৰকাৰৰ জলসম্পদ মন্ত্ৰী পীযুষ হাজৰিকাই বুধবাৰে যোৰহাটৰ আৱৰ্ত ভৱনত উপস্থিত হৈ যোৰহাট জিলা প্ৰশাসন আৰু জলসম্পদ বিভাগৰ বিষয়াসকলৰ সৈতে এখন পৰ্যালোচনা সভাত অংশগ্ৰহণ কৰে । এই পৰ্যালোচনা সভাত বিভাগীয় মন্ত্ৰী গৰাকীয়ে জিলাখনৰ মথাউৰি, খহনীয়া সমস্যাৰ বুজ লয় । কেন্দ্ৰীয় চৰকাৰ আৰু কেন্দ্ৰীয় গৃহ মন্ত্ৰী অমিত শ্বাহে ৰাজ্যৰ বান-খহনীয়া পৰিস্থিতিক গুৰুত্ব সহকাৰে লৈছে বুলি সদৰী কৰে পীযুষ হাজৰিকাই ৷ ইয়াৰ লগতে মন্ত্ৰী গৰাকীয়ে ঢেকীয়াখোৱা নামঘৰৰ দেৱাল খহি পৰাৰ ঘটনা পৰ্যবেক্ষণ কৰাৰ কথা কয় ৷