Republic day celebration: তিনিচুকীয়াত ৭৩ তম গণৰাজ্য দিৱস উদযাপন

সমগ্ৰ দেশৰ লগতে তিনিচুকীয়াতো জিলাৰ প্ৰশাসনৰ সৌজন্যত তিনিচুকীয়া ঔদ্যোগিক প্ৰশিক্ষণ প্ৰতিষ্ঠান খেলপথাৰত ৭৩ তম গণৰাজ্য দিৱস উদযাপন কৰা হয়(republic day celebration in Tinsukia) । ক’ভিড পৰিস্থিতিৰ প্ৰতি লক্ষ্য ৰাখি সীমিত সংখ্যক চৰকাৰী লোক আৰু দৰ্শকৰ উপস্থিতিত আজি অসম চৰকাৰৰ জলসম্পদ আৰু জনসংযোগ বিভাগৰ মন্ত্ৰী পিযুষ হাজৰিকাই সম্পূৰ্ণ ক’ভিড বিধি মানি উত্তোলন কৰে পতকা(India Celebrates 73rd Republic Day) । আৰক্ষীৰ ৬ টাকৈ দলে পেৰেডত অংশগ্ৰহণ কৰি মুখ্য অতিথি গৰাকীক জনালে অভিবাদন ৷ গণৰাজ্য দিৱস উদযাপনৰ কাৰ্যসূচীত আৰক্ষীৰ কুচকাৱাজৰ লগতে বঁটা বিতৰণী আৰু সম্বৰ্ধনা অনুষ্ঠানৰো আয়োজন কৰা হয় । উক্ত অনুষ্ঠানত উপস্থিত থাকে জিলা উপায়ুক্ত পাৱাৰ নৰসিং চম্ভাজী, সাংসদ প্ৰদান বৰুৱা, ডিগবৈ সমষ্টিৰ বিধায়ক সুৰেন ফুকন, শদিয়া সমষ্টিৰ বিধায়ক বলীন চেতিয়াকে আদি কৰি জিলা প্ৰশাসনৰ বিষয়া সকল ।