ধুবুৰীত ব্ৰাউন চুগাৰসহ এজনক গ্ৰেপ্তাৰ

ৰাজ্যৰ ভিন্ন প্ৰান্তত ড্ৰাগছ (Drugs) তথা নিচাজাতীয় সামগ্ৰীৰ বিৰুদ্ধে অসম আৰক্ষীৰ (Assam Police) অভিযান অব্যাহত আছে । ইয়াৰ মাজতে ধুবুৰী চহৰৰ এ কে আজাদ ৰোডত বুধবাৰে নিশা অভিযান চলাই এজন যুৱকক আটক কৰিবলৈ সক্ষম হয় আৰক্ষী । এক গোপন তথ্যৰ ভিত্তিত অভিযান চলাই ধৃত যুৱকজনৰ পৰা তিনিটা কণ্টেইনাৰ ভৰ্তি সন্দেহজনক ব্ৰাউন চুগাৰ জব্দ কৰে ধুবুৰী আৰক্ষীয়ে । ধৃত যুৱকজনৰ নাম ইনজামুল হক বুলি জানিব পৰা গৈছে । যুৱকজনৰ ঘৰ ধুবুৰীৰ এ এম কে ৰোডত । আৰক্ষীয়ে সম্প্ৰতি জেৰা অব্যাহত ৰাখিছে ধৃত যুৱকজনক ।