গোলাঘাটৰ চাউল বজাৰত বিধ্বংসী অগ্নিকাণ্ড

গোলাঘাটৰ চাউল বজাৰত শনিবাৰে নিশা প্ৰায় 9.30 বজাত সংঘটিত হয় বিধ্বংসী অগ্নিকাণ্ড(Fire) । জুইৰ লেলিহান শিখাত জাহ গ'ল কেইবাখনো ব্যৱসায়িক প্ৰতিষ্ঠান, কেইবা লক্ষাধিক টকাৰ সা-সামগ্ৰী । চাউল বজাৰস্থিত সুশীল নামৰ লোকজনৰ দোকানত কোনো অজ্ঞাত কাৰণত সংঘটিত হয় অগ্নিকাণ্ডটো । জুয়ে ভয়ংকৰ ৰূপ লোৱাত অগ্নি নিৰ্বাপক বাহিনীক খবৰ দিয়ে স্থানীয় ৰাইজে । ঘটনাস্থলীত দুখনকৈ অগ্নি নিৰ্বাপক বাহিনীৰ বাহন উপস্থিত হৈ কিছু পৰিমাণে জুই নিৰ্বাপিত কৰে যদিও সম্পূৰ্ণৰূপে জুই নিৰ্বাপণত ব্যৰ্থ হোৱা দেখা যায় ৷ বিধ্বংসী অগ্নিকাণ্ডৰ ফলত দহখনতকৈ অধিক কাপোৰ তথা চাউলৰ বিপণী জ্বলি ছাৰখাৰ হয় । অৱশ্যে এতিয়ালৈকে জানিব পৰা হোৱা নাই জুইৰ সূত্ৰপাতৰ কাৰণ ৷ ঘটনাস্থলীত আৰক্ষী উপস্থিত হৈ অব্যাহত ৰাখিছে তদন্ত প্ৰক্ৰিয়া ।