বঙাইগাঁৱত অবৈধ কাঠফলা কল জব্দ

বঙাইগাঁও জিলাৰ বন বিভাগে বুধবাৰে মাণিকপুৰ আৰক্ষী থানাৰ অন্তৰ্গত ৩ নং ছালাবিলাত এটা অবৈধ কাঠফলা মিলসহ বৃহৎ পৰিমাণৰ কাঠ জব্দ কৰিবলৈ সক্ষম হয় । বঙাইগাঁও উপত্যকা বন সংমণ্ডল প্ৰাধিকাৰীৰ নিৰ্দেশত সহকাৰী বন সংৰক্ষকৰ লগতে বঙাইগাঁৱস্থিত বিশেষ বন সুৰক্ষা বাহিনীয়ে অভিযান চলাই অবৈধ কাঠফলা কল উৎখাত কৰাৰ লগতে কাঠসমূহ জব্দ কৰে । উক্ত কাঠ আৰু কাঠফলা মিলটো পৰৱৰ্তী সময়ত মাণিকপুৰৰ বন বিভাগৰ কাৰ্যালয়লৈ অনা হয় । উক্ত অবৈধ কাঠফলা কলটোৰ গৰাকী তথা চোৰাং কাঠৰ ব্যৱসায়ীগৰাকীক কৰায়ত্ত কৰাৰ বাবে বন বিভাগে তদন্ত আৰম্ভ কৰিছে ।