VERNA গাড়ী লৈ ছাগলী চুৰি কৰিবলৈ আহি আটক এজন

ছাগলী চুৰিকাৰ্যত ব্যৱহাৰ হৈছে বিলাসী বাহন । এই বাহন ব্যৱহাৰ কৰি চুৰি কাৰ্য চলাই তীলৰ যোশী নামৰ গুৱাহাটীৰ পাঞ্জাবাৰীৰ এটা চোৰে ৷ উল্লেখ্য যে, তীলৰ যোশীয়ে বহু দিনৰ পৰাই এইদৰেই চুৰি কাৰ্য চলাই আহিছিল যদিও, বুধবাৰৰ দিনটো তেওঁৰ বাবে বেয়া আছিল । বকোৰ ত্ৰিলোচন গাঁৱৰ ৰাজপথৰ পৰা বিলাসী বাহনখনত চোৰটোৱে তুলি লৈছিল চাৰিটাকৈ ছাগলী ৷ সেই সময়তে চোৰটোৰ এই কায়দা ধৰা পৰে এজন পথচাৰীৰ চকুত । পথৰ পৰা ছাগলী ধৰি গাড়ীত ভৰোৱাক লৈ সন্দেহ উপজিছিল পথচাৰী জনৰ তথা আন এগাৰকী গাড়ী চালকৰ ৷ ছাগলী চোৰ বুলি অনুমান কৰি অৱশেষত চোৰটোক ৰাইজে খেদি খেদি আটক কৰিবলৈ সক্ষম হয় । পৰৱৰ্তী সময়ত গৰৈমাৰী আৰক্ষীৰ হাতত ছাগলী সহ চোৰটোক গতাই দিয়ে স্থানীয় ৰাইজে । ইফালে, আটক হোৱা বাহনখনৰ পৰা আৰক্ষীয়ে উদ্ধাৰ কৰে চুৰিকাৰ্যত ব্যৱহাৰ হোৱা AS01 AK 6851 নম্বৰৰ ভাৰ্ণা(VERNA) বাহনখনৰ উপৰিও চাৰিজনী ছাগলী আৰু দুই কাৰ্টুন বিলাতী সুৰা ৷