ৰাজ্যত আৰক্ষীৰ এনকাউণ্টাৰ হোৱা নাই, পুলিচৰ এক্সনহে হৈছে: ভাস্কৰজ্যোতি মহন্ত

‘‘অসম আৰক্ষীৰ এনকাউণ্টাৰ হোৱা নাই, আৰক্ষীৰ এক্সন হৈছে’’-শেহতীয়াকৈ ৰাজ্যত সংঘটিত হোৱা অভিযুক্তক গুলীবিদ্ধ কৰা ঘটনা(Encounter in Assam)ৰ প্ৰসংগত এই মন্তব্য অসম আৰক্ষী সঞ্চালক প্ৰধান ভাস্কৰজ্যোতি মহন্তৰ । সোমবাৰে কাহিলীপাৰা চতুৰ্থ অসম আৰক্ষী বেটেলিয়ন চৌহদত সাংবাদিকৰ এক প্ৰশ্ন উত্তৰত মহন্তই কয়, ইয়াক এনকাউণ্টাৰ বুলি নকয় । পুলিচৰ এক্সন হৈছে । ইফালে নগাঁও কীৰ্তি কমল বৰা এনকাউণ্টাৰ প্ৰসঙ্গত সাংবাদিকৰ প্ৰশ্নত কোনো মন্তব্য প্ৰকাশ কৰাৰ পৰা বিৰত থাকে ডিজিপি গৰাকী ।