বিহালীত বৃদ্ধি পাইছে ক’ভিড আক্ৰান্তৰ সংখ্যা

সমগ্ৰ ৰাজ্যত ক’ভিড আক্ৰান্ত ৰোগীৰ সংখ্যা কিছু পৰিমাণে হ্ৰাস পাইছে যদিও বিহালীত বিগত ৫ টা দিনত বৃদ্ধি পাইছে কৰ’ণা ৰোগীৰ সংখ্যা । বিগত ২৪ ঘণ্টাত বিহালীত ২৭ গৰাকী লোকৰ দেহত ক’ভিডৰ অৱস্থিতি ধৰা পৰিছে । মঙলবাৰৰ দিনটোলৈকে সমষ্টিটোত ৩৫৮ জন লোকৰ দেহত চিনাক্ত হৈছে ভাইৰাছবিধ ৷ ইয়াৰ পিছতে মঙলবাৰে বিহালীত বিধায়ক ৰঞ্জিত দত্তই পঞ্চায়ত পৰ্যায়ৰ এখন জৰুৰী সভা অনুষ্ঠিত কৰে । বাঘমৰা উন্নয়ন খণ্ডত বিধায়ক গৰাকীয়ে পঞ্চায়ত প্ৰতিনিধিসকলৰ সৈতে সভা অনুষ্ঠিত কৰি ক’ভিড পৰিস্থিতিৰ বুজ লয় ৷