Bhogali Market in Rangia : ৰঙিয়াৰ ভোগালীৰ বজাৰত সীমাহীন ব্যস্ততা

ক’ভিড-19 ৰ অতিমাত্ৰা সংক্ৰমণৰ দিশলৈ চাই ৰাজ্য চৰকাৰে জাৰি কৰা নতুন SOP ত মাঘ বিহু উদযাপনৰ নীতি-নিৰ্দেশনাক লৈ অসন্তুষ্টি প্ৰকাশ কৰিছিল বিহুপ্ৰেমী ৰাইজে ৷ ইয়াৰ পিছতেই ভোগালীৰ উৰুকা উদযাপনৰ ক্ষেত্ৰত আংশিক শিথিলতা প্ৰদান কৰে চৰকাৰে ৷ এই খবৰে ৰাজ্যবাসীক যথেষ্ট উৎফুল্লিত কৰি তোলে ৷ ৰাজ্যৰ ইমূৰ-সিমূৰ এতিয়া ভোগালীৰ ঢৌত উটি-ভাঁহি আছে ৷ ৰঙিয়াতো ভোগালীক আদৰাৰ প্ৰস্তুতি তুংগত ৷ ৰঙিয়াৰ তুলসীবাৰীত ভোগালী উপলক্ষে বহিছে এখন বিশেষ বজাৰ (Bhogali Mela organised by ASRLMS in Rangia) ৷ বিভিন্ন আত্মসহায়ক গোটৰ মহিলাসকলে নিজ হাতে তৈয়াৰী সামগ্ৰীৰে পাতিছে বিপণী ৷ পিঠা-লাৰু, হাতে বোৱা কাপোৰ, নিজে কৰা খেতিৰ বিভিন্ন শাক-পাচলি, কুকুৰা, পাৰ চৰাই আদি সকলো উপলব্ধ হৈছে বজাৰখনত ৷ নিজৰ পৰিয়ালক আৰ্থিক সকাহ দিয়াৰ মানসেৰে ওলাই অহা মহিলাসকল এই বজাৰখনক লৈ হৈ পৰিছে যথেষ্ট আশাবাদী ৷