শিৱসাগৰত জনজাতিকৰণৰ দাবীত আটাছুৰ প্ৰতিবাদ

সদৌ টাই আহোম ছাত্ৰ সন্থা (আটাছু)শিৱসাগৰ জিলা সমিতিৰ উদ্যোগত টাই আহোম জনগোষ্ঠীক জনজাতিকৰণ দাবীত মঙলবাৰে শিৱসাগৰ জিলা উপায়ুক্ত কাৰ্যালয়ৰ সন্মুখত দুইঘন্টীয়া এক অৱস্থান ধৰ্মঘট কাৰ্যসূচী ৰূপায়ন কৰে ৷ প্ৰতিবাদকাৰী টাই আহোম ছাত্ৰ সন্থাৰ নেতৃত্বই সদৰী কৰে যে, টাই আহোম ছাত্ৰ সন্থাই জন্মলগ্নৰে পৰা আহোম জনগোষ্ঠীটোৰ জনজাতিকৰণৰ ক্ষেত্ৰত বলিষ্ঠ প্ৰদক্ষেপ গ্ৰহণ কৰি আহিছে ৷ সংগঠনটোৱে প্ৰতিবাদী কাৰ্যসূচীৰ জৰিয়তে ক্ষোভ প্ৰকাশ কৰি কয় যে, স্বাধীনতাৰ 72 বছৰৰ পাছতো আজি পৰ্যন্ত কোনো এখন চৰকাৰে টাই আহোম জনগোষ্ঠীটোক জনজাতিকৰণৰ মৰ্যদা প্ৰদান নকৰিলে ৷ সকলোৱে কেৱল ৰাজনীতি কৰি অহাৰ হে অভিযোগ উত্থাপন কৰিছে সংগঠনটোৱে ৷ আজিৰ এই প্ৰতিবাদী কাৰ্যসূচীৰ জৰিয়তে সংগঠনটোৱে মুখ্যমন্ত্ৰীলৈ এখন স্মাৰক প্ৰত্ৰ প্ৰেৰণ কৰে ৷ লগতে অতি শীঘ্ৰে জনগোষ্ঠীটোক জনজাতিকৰণৰ মৰ্যদা প্ৰদান কৰিবলৈ দাবী জনায় অন্যথা অনাগত দিনত সংগঠনটোৱে তীব্ৰ প্ৰতিবাদী কাৰ্যসূচী গ্ৰহণ কৰিবলৈ বাধ্য হ’ব বুলি চৰকাৰক সকিয়াই দিয়ে ৷