Road Accident: কাৰ্বি আংলঙত উত্তেজিত জনতাই জ্বলালে ট্ৰাক

এটা পথ দুৰ্ঘটনাক কেন্দ্ৰ কৰি (Road Accident in Karbi Anglong)বুধবাৰে কাৰ্বি আংলং জিলাৰ হাওৰাঘাট থানাৰ অন্তৰ্গত চামগুৰিত লংকাকাণ্ডৰ সুত্ৰপাত হয় ৷ একাংশ উত্তেজিত লোকে এখন ট্ৰাক জ্বলাই ভস্মীভূত কৰা(Truck burnt by aggressive people)ৰ লগতে কেইবাখনো বালি সৰবৰাহকাৰী ট্ৰাকত আক্ৰমণ চলাই বিস্তৰ ক্ষতি সাধন কৰে ৷ উল্লেখ্য যে, চামগুৰিত সংঘটিত হোৱা এক পথ দুৰ্ঘটনাত বিদ্যুৎ শৰ্মা নামৰ এজন যুৱক অতি গুৰুতৰভাৱে আহত হোৱাৰ পিছত নগাঁৱৰ ভোগেশ্বৰী ফুকননী অসামৰিক চিকিৎসালয়ত মৃত্যু হয় ৷ চামগুৰি চিতলমাৰী উচ্চ মাধ্যমিক বিদ্যালয়ৰ সমীপত সংঘটিত হোৱা দুৰ্ঘটনাটোত বালিভৰ্তি ট্ৰাকৰ খুন্দাত পৰিয়ালটোৰ একমাত্ৰ উপাৰ্জনকাৰী যুৱকজনৰ মৃত্যুৰ পিছতে চামগুৰি এলেকাত তীব্ৰ উত্তেজনামূলক পৰিস্থিতিৰ সৃষ্টি হয় ৷ উত্তেজিত জনতাক ছত্ৰভংগ দিয়াৰ বাবে আৰক্ষীয়ে অৱশেষত লাঠিচাৰ্জ কৰিবলগীয়া পৰিস্থিতিৰ সৃষ্টি হয় ৷