নগাঁৱত ছাত্ৰ সন্থাৰ বিক্ষোভ কাৰ্যসূচী

নামনি সোৱণশিৰি জলবিদ্যুৎ প্ৰকল্পকে ধৰি বৃহৎ নদীবান্ধ বন্ধৰ দাবীত সদৌ নগাঁও জিলা ছাত্ৰ সন্থাই মঙলবাৰে মুখ্য কাৰ্যালয়ৰ সন্মুখত বিক্ষোভ কাৰ্যসূচী ৰূপায়ণ কৰে । প্ৰতিবাদকাৰী ছাত্ৰ সন্থাৰ সদস্যসকলে এন এইচ পি চি হায় হায়, বি জে পি চৰকাৰ হায় হায়, বৃহৎ নদীবান্ধ নিৰ্মাণ কৰিবলৈ দিয়া নহ’ব আদি শ্ল’গানেৰে চৌদিশ উত্তাল কৰি তোলে ৷ প্ৰতিবাদকাৰী ছাত্ৰ সন্থাৰ সদস্যসকলে নদীবান্ধ সন্দৰ্ভত ছাত্ৰ সংগঠনটো পূৰ্বৰ স্থিতিত অটল থকাৰ কথা স্পষ্ট কৰি দিয়াৰ লগতে কোনো কাৰণতে নামনি সোৱণশিৰি জলবিদ্যুৎ প্ৰকল্প নিৰ্মাণ কৰিবলৈ দিয়া নহ’ব বুলি চৰকাৰক সকীয়াই দিয়ে ।