আৰম্ভ হ’ল শ্ৰীমন্ত শংকৰদেৱ সংঘৰ কেন্দ্ৰীয় সেৱা বাহিনীৰ ২৫ সংখ্যক প্ৰতিষ্ঠা দিৱস

কাকীৰ "ডেকাগিৰি সমন্বয় ক্ষেত্ৰত" দুদিনীয়াকৈ আৰম্ভ হৈছে শ্ৰীমন্ত শংকৰদেৱ সংঘৰ কেন্দ্ৰীয় সেৱা বাহিনীৰ ২৫ সংখ্যক প্ৰতিষ্ঠা দিৱস আৰু ৰূপালী জয়ন্তী উৎসৱ । ইতিমধ্যে সমন্বয় ক্ষেত্ৰত মূল তোৰণ, গ্ৰন্থমেলাৰ দ্বাৰ উন্মোচন, শিবিৰ মুকলি হোৱাৰ লগতে মূল মণ্ডপত আৰম্ভ হৈছে আলোচনা চক্ৰ । আলোচনা সভাৰ পাছতে অনুষ্ঠিত হ'ব কেন্দ্ৰীয় সেৱাবাহিনীৰ ন-পুৰণি সেৱক-সেৱিকাৰ অন্তৰংগ আলাপ । আনহাতে নিশালৈ শংকৰী সংগীত ৰত্ন গোলাপ মহন্ত সোঁৱৰণী মঞ্চত অনুষ্ঠিত হ'ব শংকৰী সংগীত আৰু জনগোষ্ঠীয় সাংস্কৃতিক সমাৰোহ ।