তৃতীয় বড়ো শান্তি চুক্তিৰ দফাসমূহ সঠিকভাৱে ৰূপায়ন নকৰাৰ অভিযোগ সংযুক্ত বড়ো গণ মঞ্চৰ

শুকুৰবাৰে গুৱাহাটী প্ৰেছ ক্লাবত সংবাদমেল সম্বোধন কৰে সংযুক্ত বড়ো গণ মঞ্চই (United Bodo Peoples Organisation)৷ বিটিআৰ বাহিৰৰ বড়ো মাধ্যমৰ বিদ্যালয়সমূহ প্ৰাদেশীকৰণ কৰাৰ লগতে মহাবিদ্যালয়সমূহত বড়ো বিষয়ৰ প্ৰৱক্তা নিযুক্তি দিয়াৰ দাবী সংযুক্ত বড়ো গণ মঞ্চৰ । অসমৰ সকলো চৰকাৰী কাৰ্যালয়ত বড়ো ভাষাক সহযোগী ভাষাৰূপে তৎকালীনভাৱে ব্যৱহাৰ কৰাৰো দাবী জনালে সংযুক্ত বড়ো গণ মঞ্চই । ইয়াৰোপৰি ২০০৩ চনৰ বড়ো শান্তি চুক্তিমতে কাৰ্বি আংলং আৰু ডিমা হাছাও জিলাত বসবাস কৰা বড়োসকলক পাহাৰীয়া জনজাতি মৰ্যদা দিয়াৰো দাবী উত্থাপন কৰে বড়ো গণ মঞ্চই ।