বেতন সুৰক্ষাসহ চাকৰি নিয়মীয়াকৰণৰ দাবীত ঠিকাভিত্তিক টেট উত্তীৰ্ণ শিক্ষকৰ প্ৰতিবাদ

ধেমাজি , ২২ নৱেম্বৰ: বেতন সুৰক্ষাসহ চাকৰি নিয়মীয়াকৰণৰ দাবীত ঠিকাভিত্তিক টেট উত্তীৰ্ণ শিক্ষক সমাজে উত্তাল কৰিলে ধেমাজি খণ্ড শিক্ষা বিষয়া কাৰ্যালয় ৷ ৰাজ্য়ৰ আন ঠাইৰ লগতে ধেমাজিতো আজি ধেমাজি খণ্ড সমন্বয়কৰ কাৰ্যালয়ৰ সন্মুখত সদৌ অসম ঠিকাভিত্তিক প্ৰাথমিক টেট উত্তীৰ্ণ শিক্ষক সমাজৰ ধেমাজি জিলা সমিতিয়ে প্ৰাপ্যৰ দাবীত দুঘণ্টীয়া বিক্ষোভ প্ৰদৰ্শন কৰে ৷ দুই শতাধিক টেট উত্তীৰ্ণ প্ৰাথমিক শিক্ষকে শীঘ্ৰে চাকৰি নিয়মীয়াকৰণৰ দাবী জনায়  ৷  

সকলো ঠিকা ভিত্তিত প্ৰাথমিক টেট উৰ্ত্তীণ শিক্ষকৰ চাকৰি বিনাচৰ্তে বেতন সুৰক্ষাসহ নিয়মীয়াকৰণৰ দাবীৰে শিক্ষক সমাজে উক্ত ধৰ্ণা কাৰ্যসূচী ৰূপায়ণ কৰে । প্ৰতিবাদকাৰীসকলে 'আমাৰ সৈতে ৰাজনীতি নচলিব ', 'চৰকাৰৰ প্ৰতিশ্ৰুতি ৰক্ষা কৰক','আমাক প্ৰাপ্য দৰমহা সুৰক্ষাসহ নিয়মীয়া কৰক' আদি শ্লোগানেৰে আকাশ বতাহ কঁপাই তোলে ৷ ইপিনে, এই দাবী মানি নল'লে শীঘ্ৰে জংগী আন্দোলনৰ হুংকাৰ দিয়ে শিক্ষকসমাজে ৷ লক্ষণীয়ভাৱে কেইবাগৰাকী মহিলা টেট শিক্ষয়িত্ৰীয়ে কোলাত কেচুঁৱা লৈ প্ৰতিবাদত অংশগ্ৰহণ কৰে ।

লগতে পঢ়ক:জোনাইত টেট উৰ্ত্তীণ শিক্ষক সন্থাৰ দুঘন্টীয়া ধৰ্ণা