ধুবুৰীত ব্ৰাউন ছুগাৰসহ গ্ৰেপ্তাৰ সৰবৰাহকাৰী

ধুবুৰী, ২২ ডিচেম্বৰ: ৰাজ্যৰ বিভিন্ন প্ৰান্তৰ সমান্তৰালকৈ ধুবুৰীতো অব্য়াহত নিষিদ্ধ ড্ৰাগছৰ বেহা । এই নিষিদ্ধ ড্ৰাগছৰ বিৰুদ্ধে অভিযান অব্যাহত ৰাখিছে ধুবুৰী আৰক্ষীয়ে । ইয়াৰ মাজতো জিলা আৰক্ষী অধীক্ষক নবীন সিঙৰ নিৰ্দেশত বৃহস্পতিবাৰে নিশা ধুবুৰী চহৰৰ বিদ্যাপাৰা অঞ্চলত অভিযান চলাই দুটা চাবোনৰ বাকচত ব্ৰাউন ছুগাৰ জব্দ কৰিবলৈ সক্ষম হয় । ড্ৰাগছৰ সৈতে জড়িত থকাৰ অভিযোগত আনোৱাৰ শিকদাৰ নামৰ এজন ড্ৰাগছ সৰবৰাহকাৰীক কৰায়ত্ত কৰাৰ লগতে এএছ ১৭ এইচ-০৯৪৩ নম্বৰৰ এখন স্কুটী জব্দ কৰে ।  

ঘটনা সংক্ৰান্তত ধুবুৰী সদৰ আৰক্ষী থানাত ১০১৮/২৩ নম্বৰৰ এক গোচৰ পঞ্জীয়ন কৰি গ্ৰেপ্তাৰ কৰে যুৱকজনক । ইপিনে, এই নিষিদ্ধ ড্ৰাগছৰ সৈতে এটা বৃহৎ চক্ৰ জড়িত থকাৰ সন্দেহত ধুবুৰী আৰক্ষীয়ে অভিযান অব্যাহত ৰাখিছে ।

লগতে পঢ়ক:হোজাইত হত্যাৰ অপৰাধত যাৱজ্জীৱন কাৰাদণ্ড হত্যাকাৰী গুলজাৰক