Senior Journalist Pranay Bordoloi: ড্ৰাগছ-ধূমপানৰ দৰে বদ অভ্যাস যাতে কোনেও আৰম্ভ নকৰা-জ্যেষ্ঠ সাংবাদিক প্ৰণয় বৰদলৈ

নলবাৰী, ২০ ছেপ্টেম্বৰ : নলবাৰী জিলাৰ দক্ষিণ পশ্চিম প্ৰান্তৰ আগশাৰীৰ শিক্ষানুষ্ঠান বামুনবাড়ী শ্বহীদ সোঁৱৰণী জ্যেষ্ঠ মাধ্যমিক বিদ্যালয়ৰ নৱাগত আদৰণি সভা অনুষ্ঠিত হয় । দুদিনীয়াকৈ আয়োজন কৰা নৱাগত আদৰণি সভাৰ আজি দ্বিতীয় দিনা অনুষ্ঠিত কৰে মুকলি সভা । শ্বহীদ সোঁৱৰণী জ্যেষ্ঠ মাধ্যমিক বিদ্যালয়ৰ অধ্যক্ষ মীৰ হবিৰ উল্লাহৰ সভাপতিত্বত অনুষ্ঠিত হোৱা মুকলি সভাত মুখ্য অতিথিৰূপে উপস্থিত থাকে জ্যেষ্ঠ সাংবাদিক প্ৰণয় বৰদলৈ, বিশিষ্ট নিবন্ধকাৰ তথা ৰাজনৈতিক বিশ্লেষক ছাইদুল ইছলাম ।

নৱাগত ছাত্ৰ-ছাত্ৰীসকলক আদৰণি জনাই শৈক্ষিক ভাষণ আগবঢ়াই জ্যেষ্ঠ সাংবাদিক প্ৰণয় বৰদলৈয়ে । সাম্প্ৰতিক সময়ত ড্ৰাগছ তথা অবৈধ নিচাজাতীয় সামগ্ৰীয়ে নৱ প্ৰজন্মক গ্ৰাস কৰিছে । গতিকে ছাত্ৰ-ছাত্ৰীসকলক ড্ৰাগছৰ পৰা আঁতৰত থাকিবলৈ আহ্বান জনায় প্ৰণয় বৰদলৈয়ে । বিশিষ্ট অতিথিৰূপে বিদ্যালয় পৰিচলনা সমিতিৰ সভাপতি ফাইজুৰ ৰহমান আৰু নিৰ্দিষ্ট বক্তা হিচাপে উপস্থিত থাকে বৰক্ষেত্ৰী জ্যেষ্ঠ মাধ্যমিক বিদ্যালয়ৰ অধ্যক্ষ মইনুল হক ৷

লগতে পঢ়ক : ছাত্ৰ-ছাত্ৰীয়ে সদায় প্ৰতিযোগিতাৰ মনোভাবেৰে পঢ়িব লাগে: অঞ্জলী দৈমাৰী