সভানেত্ৰীৰ দায়িত্ব লোৱাৰ পিচত প্ৰথমবাৰৰ বাবে নগাঁৱত স্বপ্না বনিয়া

নগাঁও, 28 ডিচেম্বৰ : অসম প্ৰদেশ মহিলা মৰ্চাৰ সভানেত্ৰীৰ দায়িত্বভাৰ লোৱাৰ পিচত প্ৰথমবাৰৰ বাবে নগাঁৱত উপস্থিত স্বপ্না বনিয়া । আংগুৰলতা ডেকাৰ স্থান দখল কৰাৰ পিচতেই সাংগঠনিক তৎপৰতা আৰম্ভ কৰিছে মহিলা মৰ্চাৰ ৰাজ্যিক সভানেত্ৰী স্বপ্না বনিয়াই ।

নগাঁও আৱৰ্ত্ত ভৱনত নগাঁও জিলা মহিলা মৰ্চাৰ নেতৃবৰ্গৰে আলোচনাত মিলিত হ’ল অসম প্ৰদেশ মহিলা মৰ্চাৰ সভানেত্ৰী স্বপ্না বনিয়া । অনাগত লোকসভা নিৰ্বাচনত নগাঁৱৰ আসনখন বিজেপিৰ দখললৈ নিয়াত নগাঁও জিলা মহিলা মৰ্চাক অত্যাধিক সক্ৰিয় কৰাৰ বাবে আলোচনাত মিলিত হয় সভানেত্ৰীগৰাকী  ।

স্বপ্না বনিয়াৰ লগতে নগাঁৱত উপস্থিত হয় অভিনেত্ৰী তথা প্ৰদেশ মহিলা মৰ্চাৰ সম্পাদিকা আশা বৰদলৈৰ লগতে কেইবাগৰাকীও নেত্ৰী । উল্লেখ্য যে, কিছুদিনৰ পূৰ্বে প্ৰাক্তন বিধায়িকা তথা অভিনেত্ৰী আংগুৰলতা ডেকাৰ স্থানত স্বপ্না বনিয়াক মহিলা মৰ্চাৰ সভানেত্ৰীৰ দায়িত্ব প্ৰদান কৰা হৈছিল । আগন্তক লোকসভা নিৰ্বাচনৰ বাবে সাংগঠনিক ভেঁটি অধিক শক্তিশালী কৰাৰ বাবে বিজেপিৰ মহিলা মৰ্চাৰ বিভিন্ন জিলা সমিতিৰ সৈতে আলোচনাত মিলিত হ’ব সভানেত্ৰী স্বপ্না বনিয়া ।

লগতে পঢ়ক : আমি বিজেপি, আমি ৰাষ্ট্ৰ নিৰ্মাণ কৰি আছো: পৰিমল শুক্লবৈদ্য