Food poisoning: সোণাৰিত প্ৰসাদ খাই অসুস্থ ২৫ জনৰো অধিক

মৰাণ, 1 অক্টোবৰ: চৰাইদেউ জিলাৰ সোণাৰিৰ কাকতিবাৰীত খাদ্যত বিষক্ৰিয়া হোৱাৰ ঘটনা সংঘটিত হৈছে ৷ কাকতিবাৰীৰ দা ধৰাৰ নামঘৰত লখিমী সবাহৰ প্ৰসাদ খাই অসুস্থ হৈছে 25 গৰাকীতকৈ অধিক লোক ৷  বৃহস্পতিবাৰে দা ধৰা নামঘৰত লখিমী সবাহৰ আয়োজন কৰা হৈছিল ৷ তাৰ পিচতে সবাহত দিয়া মাহ-প্ৰসাদ খাই লোকসকলৰ জ্বৰ, বমিৰ লগতে বিভিন্ন ৰোগৰ লক্ষণে দেখা দিছিল । 

ইয়াৰ মাজতে দুই এজনৰ অৱস্থাৰ অৱনতি ঘটাত তেওঁলোকক ততালিকে চিকিৎসালয়ত ভৰ্তি কৰা হৈছিল ৷ কিন্তু দেওবাৰে মাহ-প্ৰসাদ গ্ৰহণ কৰা গাঁৱৰ 25 জনকৈ পুৰুষ মহিলাৰ স্বাস্থ্যৰ অৱনতি ঘটাত সোণাৰিস্থিত ৰজাপুখুৰী জিলা চিকিৎসালয়ত ভৰ্তি কৰা হৈছে । জানিব পৰা অনুসৰি, এই ঘটনাৰ পাচতে খাদ্য বিভাগে নমুনা সংগ্ৰহ কৰিছে । খাদ্যৰ নমুনা পৰীক্ষাৰ পিচতহে গম পোৱা যাব কিয় এই ঘটনা সংঘটিত হৈছিল । 

লগতে পঢ়ক: Mother Sells Infant : নৱজাতক বিক্ৰীৰ অভিযোগত নগাঁৱৰ হুজগাঁৱত উত্তপ্ত পৰিস্থিতি