Accidentally caught fire in MP’s saree : সাংসদ সুপ্ৰিয়া ছুলেৰ শাৰীত লাগিল জুই

হঠাৎ এটা চিঞৰ শুনা গ’ল ৷ জুই, জই ৷ তাৰ পাচতে চাৰিওফালে লাগি গ’ল হুলস্থূল ৷ এই ঘটনাটো পুনেৰ ৷ দেওবাৰে পুনেৰ এক কাৰ্যসূচীত মুখ্য অতিথি হিচাবে অংশ গ্ৰহণ কৰে সাংসদ সুপ্ৰিয়া ছুলেই ৷ মুখ্য অতিথি হিচাবে সাংসদ সুপ্ৰিয়া ছুলেক বন্তি প্ৰজ্বলন কৰিবলৈ দিয়া হয় ৷

বন্তি প্ৰজ্বলন কৰি থকা অৱস্থাতে হঠাৎ সাংসদগৰাকীৰ শাৰীৰ এটা অংশত জুই জ্বলি যায় (Accidentally caught fire in MP’s saree) ৷ এই ঘটনাক কেন্দ্ৰ কৰি কিছু সময়ৰ বাবে সৃষ্টি হয় এক হুলস্থূলীয়া পৰিৱেশৰ (NCP MP Supriya Sule saree accidentally caught fire) ৷

অৱশ্যে পৰৱৰ্তী পৰ্যায়ত সাংসদ সুপ্ৰিয়া ছুলেই তেওঁৰ একো ক্ষতি হোৱা নাই বুলি মন্তব্য কৰে ৷ আনকি এই ঘটনাৰ পাচতো পৰৱৰ্তী কাৰ্যসূচীত অংশগ্ৰহণ কৰে সাংসদগৰাকীয়ে ৷