National Flag Hosting in BJP State HQ: বিজেপি মুখ্য কাৰ্যালয়ত প্ৰথমে ওলোটাকৈয়ে উত্তোলন কৰিলে ৰাষ্ট্ৰীয় পতাকা

গুৱাহাটী, ১৫ আগষ্ট: আজি দেশৰ ৭৭ সংখ্যক স্বাধীনতা দিৱস পালন কৰিছে । ৰাজ্যৰ বিভিন্ন প্ৰান্তৰ লগতে শাসকীয় দল বিজেপিৰ ৰাজ্যিক কাৰ্যালয়তো উলাহ-মালহেৰে স্বাধীনতা দিৱস পালন কৰা হয় ৷ কিন্তু বশিষ্ঠস্থিত ৰাজ্যিক বিজেপি মুখ্য কাৰ্যালয়ত প্ৰথমটো অথন্তৰ ৷ পতাকা উত্তোলনৰ আৰাম্ভণিতে লাগিল কেনা । ৰাজ্যিক বিজেপি মুখ্য কাৰ্যালয়ত ওলোটাকৈ উত্তোলন কৰা হ’ল ৰাষ্ট্ৰীয় পতাকা । পতাকা উত্তোলন কৰিছিল ৰাজ্যিক বিজেপিৰ সভাপতি ভৱেশ কলিতাই । উত্তোলনৰ কিছু সময়ৰ পাচতেহে পতাকা ওলোটাকৈ উত্তোলন কৰা প্ৰত্যক্ষ কৰাৰ পিচত পুনৰ নমাই আনি শুদ্ধভাৱে উত্তোলন কৰা হয় । 

গুৱাহাটী মহানগৰীৰ বশিষ্ঠস্থিত ভাৰতীয় জনতা পাৰ্টিৰ ৰাজ্যিক মুখ্য কাৰ্যালয়ৰ চৌহদত দেশৰ ৭৭ তম স্বাধীনতা দিৱসৰ পতাকা উত্তোলন কৰে সভাপতি ভৱেশ কলিতাই ৷  প্ৰথমতে ওলোটাকৈ উত্তোলন কৰা হয় ৰাষ্ট্ৰীয় পতাকা‌খন । পুনৰ ঠিক কৰি সঠিকৈ উত্তোলন কৰা হয় পতাকাখন । আজিৰ এই অনুষ্ঠানত সভাপতি ভবেশ কলিতাৰ ওপৰিও ভাৰতীয় জনতা দলৰ বহু নেতা-কাৰ্যকর্তা উপস্থিত থাকে ।

লগতে পঢ়ক:Partition Horrors Remembrance Day: ভাৰত বিভাজনৰ একমাত্ৰ দোষী ব্যক্তি আছিল জিন্না; মুখ্যমন্ত্ৰী