Money Loot at Digboi: অসুৰক্ষিত ডিগবৈ ! ভৰ দুপৰীয়াতে দুৰ্বৃত্তই থপিয়াই নিলে টকাৰ বেগ

তিনিচুকীয়া, 4 অক্টোবৰ: শাৰদীয় দুৰ্গা পূজাৰ প্ৰাকক্ষণত তিনিচুকীয়া জিলাৰ বিভিন্ন প্ৰান্তত দুষ্টচক্ৰই অব্যাহত ৰাখিছে ধন লুট ৷ বুধবাৰে ভৰ দুপৰীয়াতে জিলাখনৰ ডিগবৈ ষ্টেট বেংক অব্ ইণ্ডিয়াৰ সন্মুখত এগৰাকী লোকৰ পৰা দুৰ্বৃত্তই কাঢ়ি নিলে নগদ 50 হাজাৰ টকা ৷ ডিগবৈ গোলাইৰ হিতেশ্বৰ ৰাজবংশী নামৰ লোকজনৰ পৰা লুটি নিয়ে উক্ত বুজন পৰিমাণৰ ধন ৷ ভুক্তভোগীগৰাকীয়ে জানিবলৈ দিয়া অনুসৰি বেংকৰ পৰা টকাখিনি উলিয়াই লৈ আহোঁতে এজন লোকে পিঠিত কিবা পৰিলে বুলি কোৱাৰ পাছতে চাবলৈ লোৱাৰ সময়তে টকাৰ বেগটো কাঢ়ি লৈ উধাও হয় দুৰ্বৃত্ত ৷ পৰৱৰ্তী সময়ত ভুক্তভোগীগৰাকীয়ে ডিগবৈ আৰক্ষী থানাত ঘটনা সন্দৰ্ভত এজাহাৰ দাখিল কৰে ৷ ইফালে, বাণিজ্যিক চহৰ তিনিচুকীয়াতো শেহতীয়াকৈ কেইবাটাও এনেধৰণৰ ধন লুটৰ ঘটনা সংঘটিত হোৱা বুলি জানিব পৰা গৈছে ৷

লগতে পঢ়ক: GP Singh on ULFA-I: আলফা (স্বাঃ)ৰ শিবিৰত তেজৰ ফাঁকু; আৰক্ষী সঞ্চালক প্ৰধানৰ মহা-বিস্ফোৰণ