Jayanta Malla Baruah : কোকৰাঝাৰ লোকসভা সমষ্টিত ইউপিপিএলৰ প্ৰাৰ্থীয়ে নিৰ্বাচন খেলিব; জয়ন্ত মল্ল বৰুৱা

কোকৰাঝাৰ, ৩০ ছেপ্টেম্বৰ :  অসম চৰকাৰৰ কেবিনেট মন্ত্ৰী উৰ্খাও গৌৰা ব্ৰহ্মৰ পিতৃৰ ৰাজহুৱা আদ্যশ্ৰাদ্ধ অনুষ্ঠানত শনিবাৰে মন্ত্ৰী জয়ন্ত মল্ল বৰুৱা উপস্থিত হয় ৷ মুখ্যমন্ত্ৰী হিমন্ত বিশ্ব শৰ্মাৰ হৈ তথা অসম চৰকাৰৰ কেবিনেটক প্ৰতিনিধিত্ব কৰি তেওঁ মন্ত্ৰী উৰ্খাও গৌৰা ব্ৰহ্মৰ পিতৃৰ ৰাজহুৱা আদ্যশ্ৰাদ্ধ অনুষ্ঠানত ভাগ লোৱা বুলি সদৰী কৰে ৷

ইফালে কোকৰাঝাৰ আৱৰ্ত ভৱনত তেওঁ দলীয় কৰ্মীবৃন্দৰ সৈতেও আলোচনাত অংশগ্ৰহণ কৰে ৷ সাংবাদিকৰ এক প্ৰশ্নৰ উত্তৰত মন্ত্ৰী জয়ন্ত মল্ল বৰুৱাই কয় যে, কোকৰাঝাৰ লোকসভা সমষ্টিত ইউপিপিএলৰ প্ৰাৰ্থীয়ে নিৰ্বাচন খেলিব ৷ মিত্ৰদলৰ প্ৰাৰ্থীয়ে বিপুল ভোটত জয়লাভ কৰিব ৷ কোকৰাঝাৰ লোকসভা সমষ্টিৰ বাবে ৰাজনৈতিক সিদ্ধান্ত হোৱা নাই যদিও মোটামুটি সিদ্ধান্ত হৈছে যে ইউপিপিএলৰ প্ৰাৰ্থীয়েই কোকৰাঝাৰ লোকসভা সমষ্টিত মিত্ৰদলৰ প্ৰাৰ্থী হ'ব ৷ আনহাতে দৰং-ওদালগুৰি লোকসভা সমষ্টিত বিজেপিৰ প্ৰাৰ্থী হোৱাৰ সম্ভাৱনা ব্যক্ত কৰে মন্ত্ৰীজনে ৷ 

লগতে পঢ়ক : Pijush Hazarika: নাস্তিক ভূপেন বৰাৰ কমেডি কিং কপিল শৰ্মা হোৱাৰ মন; মন্ত্ৰী পীযুষৰ নতুন বচন