Nalbari fire : ভষ্মীভূত হ'ল সপোনৰ ফচল

নলবাৰীত বিধ্বংসী অগ্নিকাণ্ড (Nalbari fire incident) । জুইত সম্পূৰ্ণৰূপে জাহ গ'ল এটা ভড়াল ঘৰ আৰু বৃহৎ পৰিমাণৰ ধান । নলবাৰীৰ শিমলীয়াত সংঘটিত হৈছে এই অগ্নিকাণ্ড । শিমলীয়াৰ কৃষক দৰ্বেজ আলীৰ ঘৰত সংঘটিত হৈছে অগ্নিকাণ্ডটো । মৰণা মৰাৰ পাছতে ঘৰৰ চোতালতে থোৱা আছিল ধান আৰু খেৰ । কিন্তু হঠাৎ ধানৰ দমত জুইৰ সূত্ৰপাত হয় । নিমিষতে জ্বলি ছাৰখাৰ হৈ যায় ধান আৰু ভড়াল ঘৰটো (Paddy burnt in Nalbari)। বহু সময়ৰ অন্তত স্থানীয় লোকৰ সহযোগত অগ্নিনিৰ্বাপক বাহিনীয়ে জুই নিৰ্বাপণ কৰিবলৈ সক্ষম হয় । নলবাৰী আৰু বেলশৰৰ পৰা ৩ খনকৈ অগ্নিনিৰ্বাপক বাহিনীৰ বাহনে জুই নিৰ্বাপণত জড়িত হৈ পৰে । অৱশ্যে এতিয়ালৈ অগ্নিকাণ্ডৰ কাৰণ জানিব পৰা হোৱা নাই । কিন্তু বছৰৰ কষ্টৰ ফল এনেদৰে জুইত জাহ যোৱাত মূৰে কপালে এতিয়া হাত দিছে কৃষক পৰিয়ালটোৱে ।