HSLC পৰীক্ষাত পঞ্চম স্থান লাভ কৰা জুবেৰ হুছেইনৰ মনৰ কথা

আজি ঘোষণা হ'ল হাইস্কুল শিক্ষান্ত পৰীক্ষাৰ ফলাফল (HSLC Exam Results 2022)। ফলাফল ঘোষণা হোৱাৰ লগে লগে বৰপেটাত আনন্দমুখৰ পৰিৱেশ । কিয়নো ৫৯৩ নম্বৰ লাভ কৰি হাইস্কুল শিক্ষান্ত পৰীক্ষাত শীৰ্ষ ৫ম স্থান লাভ কৰিবলৈ সক্ষম হৈছে পালহাজীৰ জুবেৰ হুছেইনে (Jubaer Hussain ranked top 5th in HSLC)৷ পালহাজীৰ ৰেইনব' মডেল একাডেমীৰ ছাত্ৰ জুবেৰ হুছেইন । পালহাজী উচ্চ মাধ্যমিক বিদ্যালয়ৰ পৰা পৰীক্ষাত অৱতীৰ্ণ হয় জুবেৰ । পালহাজীৰ ৰৌশনাৰা আহমেদা আৰু দিলোৱাৰ হুছেইনৰ পুত্ৰ জুবেৰ হুছেইনৰ এই সফলতাত আনন্দিত পৰিয়ালৰ লগতে অঞ্চলটোৰ ৰাইজ । ইফালে জুবেৰ হুছেইনে পঢ়া বিদ্যালয়খনতো আনন্দমুখৰ পৰিৱেশে বিৰাজ কৰিছে । ইফালে সাংবাদিকৰ আগত জুবেৰে উল্লেখ কৰা মতে দৈনিক প্ৰায় ১০ ঘন্টাকৈ তেওঁ পঢ়া-শুনা কৰিছিল ৷ এগৰাকী চিকিৎসক হোৱাৰ সপোন আছে জুবেৰৰ ।