Karnataka Poll Result: কৰ্ণাটকত কংগ্ৰেছৰ জয়ত উৎফুল্লিত গোৱালপাৰা জিলা কংগ্ৰেছ কৰ্মী; আতচবাজীৰে বিজয় উৎসৱ

গোৱালপাৰা, 13 মে’: কৰ্ণাটকত কংগ্ৰেছৰ বৃহৎ জয়ত উৎফুল্লিত গোৱালপাৰা জিলা কংগ্ৰেছ কৰ্মী ৷ আতচবাজিৰে বিজয় উৎসৱ পালন বিধায়ক আবুল কালাম ৰছিদ আলমৰ ৷ এই জয় ভাৰতবৰ্ষৰ গণতন্ত্ৰ আৰু সংবিধান জয়, এয়া ৰাহুল গান্ধীৰ ভাৰত জোড়ো যাত্ৰাৰ ফল বুলি মন্তব্য বিধায়কগৰাকীৰ (Karnataka Poll Result) ৷

কৰ্ণাটকত কংগ্ৰেছৰ এই জয়ত গোৱালপাৰা চহৰৰ মাজমজিয়াত থকা জিলা কংগ্ৰেছ কমিটিৰ কাৰ্যালয়ত বিধায়কসহ কংগ্ৰেছ কৰ্মীৰ আটছবাজিৰে বিজয় উৎসৱ পালন কৰে ৷ পূৱ গোৱালপাৰা বিধানসভা সমষ্টিৰ বিধায়ক ৰছিদ আলমে কয় যে, কৰ্ণাটকৰ এই জয় ভাৰতবৰ্ষৰ গণতন্ত্ৰ আৰু সংবিধান ৰক্ষাৰ জয় ৷ ভাৰতবৰ্ষৰ ধৰ্মনিৰপেক্ষতা ৰক্ষা হ’ল ৷ কৰ্ণাটকৰ নিৰ্বাচনত কংগ্ৰেছৰ জয়যাত্ৰা আৰম্ভ হ’ল ৷ এই জয়যাত্ৰাৰ পৰাই ভাৰতবৰ্ষত বিজেপিৰ পতন আৰম্ভ হ’ল বুলি মন্তব্য কৰে বিধায়কগৰাকীয়ে (Goalpara Congress workers celebrate victory) ৷  

ৰাহুল গান্ধীৰ ভাৰত জোড়ো যাত্ৰাৰ বাবেই কৰ্ণাটকত কংগ্ৰেছৰ এই বৃহৎ জয় হ’বলৈ গৈ আছে ৷ বিজেপিৰ ঘৃণনীয় ৰাজনীতি পৰা মুক্তি পাবলৈ এতিয়া ভাৰতবৰ্ষৰ জনতাই কংগ্ৰেছক আঁকোৱালি লৈছে বুলিও কয় বিধায়কগৰাকীয়ে (Victory of congress in Karnataka) ৷

লগতে পঢ়ক: Karnataka poll updates: কৰ্ণাটকৰ পৰাই কংগ্ৰেছৰ জয়যাত্রা আৰম্ভ হ'ব; দেৱব্ৰত শইকীয়া