Fire break out: মৰাপাটৰ ৰছী ভৰ্তি ট্ৰাকত বিধ্বংসী অগ্নিকাণ্ড

কলিয়াবৰ, 13 ছেপ্টেম্বৰ : নগাঁও জিলাৰ কলিয়াবৰৰ উলুৱনীত ভয়ংকৰ অগ্নিকাণ্ডৰ ঘটনা সংঘটিত হৈছে ৷ মৰাপাটৰ ৰছী পৰিবাহী ট্ৰাকত বিধ্বংসী অগ্নিকাণ্ডৰ ঘটনা সংঘটিত হয় ৷ বুধবাৰে আমবাগানৰ পৰা উলুৱনীৰ ভাৰতীয় মৰাপাট নিগমৰ গুদামলৈ প্ৰায় ১২ টন মৰাপাটৰ ৰছী ট্ৰাকখনে কঢ়িয়াই আনিছিল। তাৰ পিচতেই পথৰ কাষৰ বৈদ্যুতিক তাঁৰত মৰাপাটৰ ৰছী ভৰ্তি ট্ৰাকখন লাগি শ্বৰ্ট-চাৰ্কিত হৈ অগ্নিৰ সূত্ৰপাত হয় ৷ ক্ষন্তেকতে ট্ৰাকখনত জুইয়ে আৱৰি ধৰাত ট্ৰাকখনৰ চালক আৰু হেণ্ডিমেনজনে অগ্নি নিৰ্বাপক বাহিনীক অৱগত কৰে ৷ ঘটনাস্থলীত অগ্নিনিৰ্বাপক বাহিনী উপস্থিত হৈ জুই নিৰ্বাপিত কৰে । এই ঘটনাত কথমপি প্ৰাণ ৰক্ষা পৰে ট্ৰাকখনৰ চালক-হেণ্ডিমেনৰ। অগ্নিকাণ্ড সংঘটিত হোৱা ট্ৰাকখনৰ নম্বৰ এ এছ 01 ৱাই 0131।

লগতে পঢ়ক: Anti liquor operation: ধনশিৰি মহকুমাৰ নাওজানত 900 লিটাৰ চুলাই নষ্ট আৰক্ষীৰ