School teacher beats student horribly:শিক্ষকৰ নিৰ্মম প্ৰহাৰত কাণৰ পৰ্দা ফাটিল স্কুলীয়া ছাত্ৰৰ

নাহৰকটীয়া, ২ ছেপ্টেম্বৰ : পুনৰ ছাত্ৰক নিৰ্মমভাৱে প্ৰহাৰ কৰাৰ ঘটনা সংঘটিত হৈছে ৰাজ্যত । এইবাৰ দুলীয়াজানৰ এখন আভিজাত বিদ্যালয়ত সংঘটিত হৈছে এই ঘটনা । দুলীয়াজান দিল্লী পাব্লিক স্কুলত সংঘটিত হৈছে এই দুখজনক ঘটনা ।

দৰাচলতে নৱম শ্ৰেণীৰ এজন ছাত্ৰক এজন শিক্ষকে ক্লাচৰূমত সকলোৰে সন্মুখতে শাৰীৰিকভাৱে প্ৰহাৰ কৰে ৷ শিক্ষাদানৰ নামত চিৰদিনৰ বাবে ঘূণীয়া কৰিলে এজন ছাত্ৰক । শ্ৰেণী কোঠাত শাস্তিৰ নামত প্ৰচণ্ড চৰ সোধাই শিক্ষকে ফালিলে কাণৰ পৰ্দা । চিকিৎসকৰ মতে কাণৰ ভিতৰত ৰক্তক্ষৰণ হোৱাৰ সম্ভাৱনা আছে । এই ঘটনা গাপ দিয়াৰ চেষ্টা চলালে বিদ্যালয় কৰ্তৃপক্ষই ৷

অইল চিকিৎসালয়ৰ চিকিৎসকৰ পৰীক্ষাত ধৰা পৰিছিল কাণৰ পৰ্দা ফাটি তেজ ওলোৱাৰ তথ্য । অইল চিকিৎসালয়ৰ ৰিপ’ৰ্ট অগ্ৰাহ্য স্কুল কৰ্তৃপক্ষৰ । পুনৰ ডিব্ৰুগড়ৰ এখন ব্যক্তিগত চিকিৎসালয়ত পৰীক্ষা কৰাইয়ো মুখ থেকেচা স্কুল কৰ্তৃপক্ষৰ । ডিব্ৰুগড়ৰ চিকিৎসকৰ ৰিপ’ৰ্টতো কাণৰ পৰ্দাৰ ফাটি ভিতৰত ৰক্তক্ষৰণ হোৱাৰ কথা প্ৰকাশ পায় ।

বিদ্যালয়খনৰ বিষয় শিক্ষক অৰিন্দম কেওঁটৰ বিৰুদ্ধে উঠিছে এই অভিযোগ । শিক্ষকগৰাকীৰ এনে তালিবানী কাণ্ডত স্তম্ভিত সচেতন সমাজ। ভুক্তভোগী ছাত্ৰজনৰ পৰিয়ালে ন্যায় বিচাৰি দুলীয়াজান আৰক্ষী‌ থানাত দাখিল কৰিলে এজাহাৰ । সম্প্ৰতি এই ঘটনাক লৈ তীব্ৰ প্ৰতিক্ৰিয়াৰ সৃষ্টি হৈছে তৈল নগৰী দুলীয়াজানত ।

লগতে পঢ়ক : Man rescued: চাবুৱাৰ মণ্টফৰ্ট হাইস্কুলৰ সমীপত তেজেৰে লুতুৰি-পুতুৰি অৱস্থাত এজন লোক উদ্ধাৰ