তৃতীয় মৃত্যু বাৰ্ষিকীত প্ৰয়াত তৰুণ গগৈক শ্ৰদ্ধাৰে স্মৰণ ধেমাজি কংগ্ৰেছৰ

ধেমাজি, 23 নৱেম্বৰ : আজি প্ৰয়াত প্ৰাক্তন মুখ্যমন্ত্ৰী তৰুণ গগৈৰ তৃতীয় মৃত্যু বাৰ্ষিকী ৷ ৰাজ্যৰ ভিন্ন প্ৰান্তত আজি শ্ৰদ্ধাৰে সুঁৱৰিছে প্ৰয়াত কংগ্ৰেছী নেতাগৰাকীক ৷ প্ৰয়াত প্ৰবীণ কংগ্ৰেছী নেতাগৰাকীৰ মৃত্যু কংগ্ৰেছ দলৰ বাবে এক অপূৰণীয় ক্ষতি ৷ ৰাজ্যৰ ভিন্ন প্ৰান্তৰ লেখীয়াকৈ ধেমাজি জিলা কংগ্ৰেছৰ উদ্যোগত জিলা কংগ্ৰেছ কমিটিৰ কাৰ্যালয়ৰ ইন্দিৰা ভৱনত পালন কৰা হয় প্ৰয়াত মুখ্যমন্ত্ৰী তৰুণ গগৈৰ তৃতীয় মৃত্যু বাৰ্ষিকী ৷

পুৱা জিলা কংগ্ৰেছ কমিটিৰ বিষয়ববীয়াসকল সমৱেত হৈ প্ৰয়াত প্ৰাক্তন মুখ্যমন্ত্ৰীগৰাকীৰ প্ৰতিছবিত মাল্যাপৰ্ণ আৰু বন্তি প্ৰজ্বলন কৰি গভীৰ শ্ৰদ্ধাঞ্জলি জ্ঞাপন কৰে ৷ এই অনুষ্ঠানত মহিলা কংগ্ৰেছ কৰ্মী আৰু জ্যেষ্ঠ কংগ্ৰেছ কৰ্মীসকলো উপস্থিত থাকে ৷

জ্যেষ্ঠ কংগ্ৰছ কৰ্মী ফটিক দলেই প্ৰয়াত প্ৰাক্তন মুখ্যমন্ত্ৰীৰ তৰুণ গগৈৰ কৰ্মৰাজি আৰু আদৰ্শৰ ওপৰত আলোকপাত কৰে ৷ লগতে তেওঁ বৰ্তমানৰ বিজেপি চৰকাৰক ক্ষুৰধাৰ সমালোচনাও কৰা পৰিলক্ষিত হয় ৷

লগতে পঢ়ক : যোৰহাট-তিতাবৰত প্ৰয়াত প্ৰাক্তন মুখ্যমন্ত্ৰী তৰুণ গগৈৰ তৃতীয় মৃত্যু বাৰ্ষিকী পালন