BTR Chief Pramod Boro: বিটিআৰত সশস্ত্ৰ সংগঠনৰ আত্মপ্ৰকাশ সন্দৰ্ভত প্ৰমোদ বড়োৰ প্ৰতিক্ৰিয়া

ৰঙিয়া, 11 জুন: বড়োভূমিত পুনৰ নতুন সশস্ত্ৰ সংগঠনৰ আত্মপ্ৰকাশ ৷ পৃথক বড়োলেণ্ডৰ দাবীৰে বড়ো লিবেৰেশ্যন আৰ্মী নামৰ এটা সশস্ত্ৰ সংগঠনৰ জন্ম (New Militant Outfit Formed in BTR) ৷  

এই সন্দৰ্ভত ৰঙিয়াত সংবাদ মাধ্যমৰ আগত প্ৰতিক্ৰিয়া ব্যক্ত কৰে বিটিআৰ প্ৰধান প্ৰমোদ বড়োৱে ৷ তেওঁ কয় যে, সশস্ত্ৰ সংগ্ৰামৰ বহু বছৰ পাৰ হৈ গ’ল, এতিয়া শান্তিৰ সময় ৷ বছৰ বছৰ ধৰি সশস্ত্ৰ সংগ্ৰাম কৰি থকা দলসমূহে এতিয়া মূল সূঁতিলৈ ওভতি আহিছে (Pramod Boro React Over New Militant Outfit) ৷  

চুক্তি হৈ যোৱাৰ পাছত অবৈধ মাৰণাস্ত্ৰ থকা দুই এজন যুৱকে এনেধৰণে সংগঠন খোলাটো কোনো নতুন কথা নহয় ৷ দুই এজন ল’ৰাই এইবোৰ কৰি ক’ৰবাত ধন দাবী কৰিব তাৰ বাহিৰে অন্য একো নহয় বুলি কয় প্ৰমোদ বড়োৱে ৷ যিসকলে এতিয়া পুনৰ সশস্ত্ৰ সংগঠন খুলি আকৌ সংগ্ৰাম কৰিব বিচাৰিছে, তেওঁলোকে আপোনঘাটি হোৱাৰ পথত ভৰি দিছে বুলি কয় নেতা গৰাকীয়ে (BTR Chief Pramod Boro) ৷

অসম আৰক্ষী, চোৰাংচোৱা বাহিনী এতিয়া যথেষ্ট শক্তিশালী ৷ গতিকে এইক্ষেত্ৰত আৰক্ষীয়ে ব্যৱস্থা লব বুলি মন্তব্য কৰে বিটিআৰ প্ৰধানগৰাকীয়ে ৷

লগতে পঢ়ক: Demand for a separate Boroland: বড়ো ভূমিত পুনৰ জনজাতীয় বিদ্ৰোহ; পৃথক বড়োলেণ্ড বিচাৰি BLA ৰ আত্মপ্ৰকাশ