Call for BTR Bandh: সোমবাৰে 12 ঘন্টীয়া বিটিআৰ বন্ধৰ আহ্বান বনছুৰ

কোকৰাঝাৰ, 8 অক্টোবৰ : গণ সমাবেশৰ বাবে জিলা প্ৰশাসনে অনুমতি প্ৰদান নকৰাক লৈ ক্ষুব্ধ বড়ো নেচনেল ষ্টুডেণ্ট ইউনিয়ন চমুকৈ বনছু ৷ সোমবাৰে 12 ঘণ্টীয়া বিটিআৰ বন্ধৰ আহ্বান জনাইছে সংগঠনটোৱে ৷ পুৱা 5 বজাৰ পৰা বিয়লি 5 বজালৈ 12 ঘণ্টীয়া বিটিআৰ বন্ধৰ কথা সংবাদমেল যোগে ঘোষণা কৰিছে ছাত্ৰ সংগঠনটোৱে ৷

দেওবাৰে সন্ধিয়া কোকৰাঝাৰত আয়োজিত এক সংবাদমেলত বনছুৰ সভাপতি বনজিৎ মঞ্জিল বসুমতাৰীয়ে কয়, ‘‘7 অক্টোবৰত বনছুৱে ওদালগুৰিত এক গণ সমাবেশৰ আয়োজন কৰিছিল ৷ উক্ত গণ সমাবেশৰ বাবে ওদালগুৰি জিলা প্ৰশাসনৰ পৰা অনুমতি বিচাৰিছিল ৷ কিন্তু এই ক্ষেত্ৰত জিলা প্ৰশাসনে প্ৰদান নকৰিলে অনুমতি ৷ যাৰ বাবে কাইলৈ  12 ঘন্টীয়া বিটিআৰ বন্ধ ঘোষণা কৰিছোঁ ৷ বনছুক অনুমতি প্ৰদান নকৰাৰ আঁৰত ৰাজনৈতিক অভিসন্ধি আছে ৷ প্ৰশাসনৰ এনে কাৰ্যই মৌলিক অধিকাৰ খৰ্ব কৰা কৰিছে ৷’’

লগতে পঢ়ক:Rapist sent to jail: ধৰ্ষণৰ গোচৰত নুৰ ইছলাম শ্বেখক দহ বছৰৰ কাৰাদণ্ড