Bhabesh Kalita in Rangia: যেতিয়াই নিৰ্বাচন আহে সাংসদ বদৰুদ্দিন আজমলে সাম্প্ৰদায়িক মন্তব্য কৰে; ভৱেশ কলিতা

ৰঙিয়া, 17 জুলাই: ৰঙিয়াত বদৰুদ্দিন আজমল প্ৰসংগত ৰাজ্যিক বিজেপিৰ সভাপতি ভৱেশ কলিতাৰ মন্তব্য ৷ ধুবুৰী সমষ্টিৰ পৰা বদৰুদ্দিন আজমলে বছৰ বছৰ ধৰি লোকসভাৰ সাংসদ হৈ আছে ৷ এই সময়ছোৱাত যেনেকৈ উন্নয়নৰ পথত সমষ্টিটো আগবঢ়াই নিব লাগিছিল সেয়া বদৰুদ্দিন আজমলে নিব পৰা নাই বুলি মন্তব্য কৰে সভাপতি গৰাকীয়ে ৷  

তেওঁ লগতে কয় যে, যেতিয়া নিৰ্বাচন আহে ধুবৰীৰ সাংসদ বদৰুদ্দিন আজমলে সাম্প্ৰদায়িক মন্তব্য কৰে ৷ ৰাজ্যিক সভাপতি গৰাকীয়ে পুনৰ কয় যে, বিজেপিক এইবেলি সংখ্যালঘু যি সকল খিলঞ্জীয়া লোক সকলে উন্নয়নৰ স্বাৰ্থত ভোট দিব ৷ ৰঙিয়াত এক অনুষ্ঠানত অংশগ্ৰহণ কৰি সোমবাৰে এইদৰে মন্তব্য কৰে ৰঙিয়া সমষ্টিৰ বিধায়ক তথা ৰাজ্যিক বিজেপিৰ সভাপতি ভৱেশ কলিতাই ৷

লগতে পঢ়ক : Minister Jayanta Malla Baruah: বামপন্থাত থাকি কেতিয়াও ৰাষ্ট্ৰৰ সেৱক হ’ব নোৱাৰে; জয়ন্ত মল্ল বৰুৱা