Army officer dies on duty: কৰ্মৰত অৱস্থাত সেনা বিষয়াৰ মৃত্যু; সামৰিক মৰ্যদাৰে শেষকৃত্য সম্পন্ন

ৰঙিয়া, ১৭ আগষ্ট: দেশমাতৃৰ সেৱাত নিজকে নিয়োজিত কৰা এগৰাকী সেনা-বাহিনীৰ বিষয়াৰ আকস্মিক মৃত্যুৱে ৰঙিয়াবাসীক জোকাৰি গৈছে । ১৫ আগষ্টৰ দিনা বিয়লি কৰ্মস্থলীত সেনা বিষয়াজনৰ আকস্মিক মৃত্যু হয় । মৃত বিষয়াগৰাকী ৰঙিয়াৰ কেঁকোহাটীৰ নিবাসী চিত্তৰঞ্জন বড়ো । মৃত্যুৰ পূৰ্বে বিষয়াগৰাকী কাৰ্বি আংলঙত কৰ্মৰত আছিল ।

তেওঁৰ মৃত্যুৰ খবৰ পোৱাৰ লগে লগে পৰিয়ালৰ লোক কাৰ্বি আংলঙত উপস্থিত হয় আৰু মৃতদেহলৈ বৃহস্পতিবাৰে ৰঙিয়াৰ নিজা বাসগৃহত উপস্থিত হয় । চিত্তৰঞ্জন বড়োৰ মৃতদেহ বাসগৃহত উপস্থিত হোৱাৰ লগে লগে এক শোকাকুল পৰিবেশৰ সৃষ্টি হয় । সম্পূৰ্ণ সামৰিক মৰ্যদাৰে তেখেতক শেষ শ্ৰদ্ধাঞ্জলি জ্ঞাপন কৰা হয় ।

সেনা বিষয়াগৰাকী অঞ্চলটোৰ এজন সৰবৰাহী ব‍্যক্তি হোৱাৰ লগতে এজন ভাল ভলীবল খেলুৱৈ আছিল । মৃত্যুৰ সময়ত চি আৰ পি এফৰ ইন্সপেক্টৰ চিত্তৰঞ্জন বড়োৱে পত্নী আৰু তিনিগৰাকী কন‍্যা সন্তানক ইহসংসাৰত এৰি যায় ।

লগতে পঢ়ক: SPRO Kukil Dutta died : গুৱাহাটীত পেৰেড অনুশীলনত SPRO কুকিল দত্তৰ অকাল মৃত্যু; ৰহস্য ঘনীভূত