13 দিনীয়া কাৰ্যসূচীৰে মাজুলীৰ মণিকাঞ্চন ৰংগক্ষেত্ৰত অসম ভাওনা সমাৰোহ ২০২৪

মাজুলী, 17 জানুৱাৰী : 18 জানুৱাৰীৰ পৰা মাজুলীৰ ঐতিহাসিক আউনীআটী সত্ৰৰ মণিকাঞ্চন ৰংগক্ষেত্ৰত আৰম্ভ হ’ব সদৌ অসম ভাওনা সমাৰোহ 2024 ৷ সদৌ অসম ভাওনা সমাৰোহক লৈ উখল-মাখল পৰিৱেশে বিৰাজ কৰিছে মাজুলীৰ আউনীআটী সত্ৰৰ মণিকাঞ্চন ৰংগক্ষেত্ৰ ৷ এই সদৌ অসম ভাওনা সমাৰোহখনি অসমৰ বিভিন্ন স্থানৰ পৰা অহা প্ৰায় 14 হাজাৰ মহিলাৰ দিহা নামেৰে শুভ উদ্বোধন কৰা হ’ব ৷

মাজুলীৰ ঐতিহাসিক আউনীআটী সত্ৰই প্ৰতি দুবছৰৰ মূৰে মূৰে অনুষ্ঠিত কৰি আহিছে এই ভাওনা সমাৰোহ ৷ এইবছৰ এই সদৌ অসমভিত্তিত অনুষ্ঠিত হ’বলগা ভাওনা সমাৰোহখনি 13 দিনীয়া কাৰ্যসূচীৰে অনুষ্ঠিত হ’ব ৷ এই ভাওনা সমাৰোহখনিত অসমৰ বিভিন্ন প্ৰান্তৰ 27 টা ভাওনাৰ দলে অংশগ্ৰহণ কৰিব বুলি জানিব পৰা গৈছে ৷ ইয়াৰে 24 খন ভাওনা প্ৰদৰ্শন হ’ব প্ৰতিযোগিতাৰ বাবে আৰু তিনিখন ভাওনা প্ৰদৰ্শনী হিচাবে প্ৰদৰ্শন কৰা হ’ব ৷ এই ভাওনা সমাৰোহখনিলৈ ইতিমধ্যে অসমৰ বিভিন্ন প্ৰান্তৰ বহু লোকৰ আগমন ঘটিছে ৷  

লগতে পঢ়ক : বৰপেটাত আৰম্ভ জিলা ভিত্তিত সাংস্কৃতিক মহাসংগ্ৰাম