সিদ্ধান্তবোৰ আমাৰ গোপন নহয়: ড৹ সমুজ্জল কুমাৰ ভট্টাচাৰ্য

মৰিগাঁও, 23 নৱেম্বৰ : সদৌ অসম ছাত্ৰ সন্থাৰ অষ্টাদশ মৰিগাঁও অধিৱেশনৰ বৃহস্পতিবাৰে আছিল অন্তিমটো দিন ৷ মঙলবাৰৰ পৰা তিনিদিনীয়া কাৰ্যসূচীৰে আৰম্ভ হয় এই অধিৱেশন ৷ প্ৰতিনিধি সভাত এটাৰ পাচত আনটো গুৰুত্বপূৰ্ণ প্ৰস্তাৱ গ্ৰহণ কৰা হয় । অধিৱেশনৰ অন্তিমটো দিনত এই বিষয়ে সদৰী কৰে আছুৰ মুখ্য উপদেষ্টা ড৹ সমুজ্জল কুমাৰ ভট্টাচাৰ্যই ।

সংবাদ মাধ্যমৰে হোৱা মত বিনিময়ত মৰিগাঁও অধিৱেশনৰ বিগত দুদিনৰ কাৰ্যনিৰ্বাহকৰ সভাত বিভিন্ন প্ৰস্তাৱ গ্ৰহণ কৰা হয় বুলি চমু আভাস দাঙি ধৰে ড৹ সমুজ্জল কুমাৰ ভট্টাচাৰ্যই ৷ তেওঁ কয় যে আছুৰ কোনো সিদ্ধান্তই গোপন নহয় । আজিৰ শেষৰখন সভাৰ পিচতে সকলো বিষয় মুকলিকৈ প্ৰকাশ কৰা হ’ব বুলি তেওঁ মন্তব্য কৰে ৷ অধিৱেশনৰ প্ৰতিটো দিনতে যথেষ্ট লোকৰ সমাগম হোৱা দেখা যায় ৷

লগতে পঢ়ক : বয়সৰ ক্ষেত্ৰত আছুৱে ল’লে কঠোৰ সিদ্ধান্ত