Puroni Bolai LPS in Dibrugarh: ডিব্ৰুগড়ৰ পুৰণি বলাই প্ৰাথমিক বিদ্যালয়ত আয়োজন শতবাৰ্ষিকী অনুষ্ঠান

শত বছৰ গৰকিলে ডিব্ৰুগড় জিলাৰ পুৰণি বলাই প্ৰাথমিক বিদ্যালয়ে (100 years celebration of Puroni Bolai LPS) ৷ ডিব্ৰুগড় জিলাৰ এটি ভিতৰুৱা অঞ্চলৰ একমাত্ৰ বিদ্যালয়খনৰ শতবৰ্ষ উপলক্ষে সমগ্ৰ অঞ্চলটোতে বিৰাজ কৰিছে এক উদুলি মুদুলি পৰিৱেশে ৷ স্বাধীনতাৰ আগৰ বৃটিছ শাসনৰ কালতে ১৯২১ চনতে প্ৰতিষ্ঠা লাভ কৰিছিল ৩১ নং পুৰণি বলাই প্ৰাথমিক বিদ্যালয়খনে (Puroni Bolai LPS in Dibrugarh) । ১৯২১ চনৰ পৰাই বৰ্তমানলৈকে বিদ্যালয়খনে সগৌৰৱেৰে পাৰ কৰিলে ১০০ টা বছৰ । এই উদ্দেশ্যে শনিবাৰৰ পৰা দুদিনীয়াকৈ দুদিনীয়া বৰ্ণাঢ্য কাৰ্যসূচীৰে উদযাপন কৰা হৈছে শতবাৰ্ষিকী অনুষ্ঠান । শনিবাৰে সাংস্কৃতিক শোভাযাত্ৰা, স্মৃতিগ্ৰন্থ উন্মোচনী সভা, ন-পুৰণি ছাত্ৰ সমাৰোহ অনুষ্ঠিত হোৱাৰ পিচত দেওবাৰে অন্তিম দিনা অনুষ্ঠিত হয় কেইবাটাও কাৰ্যসূচী ।