ৰাইজক সুৰক্ষা আৰু উন্নয়ন দিব পৰা একমাত্ৰ দল এতিয়া বিজেপি : সৰ্বানন্দ সোণোৱাল

ডিব্ৰুগড় পৌৰসভা নিৰ্বাচনৰ ৪ নম্বৰ ৱাৰ্ডৰ ২৩ নম্বৰ ভোটগ্ৰহণ কেন্দ্ৰত ভোটদান সাব্যস্ত কৰে প্ৰাক্তন মুখ্যমন্ত্ৰী তথা কেন্দ্ৰীয় কেবিনেট মন্ত্ৰী সৰ্বানন্দ সোণোৱালে (Minister Sarbananda Sonowal casts vote at Dibrugarh) । দেওবাৰে পুৱাই কেন্দ্ৰীয় কেবিনেট মন্ত্ৰীগৰাকীয়ে লক্ষীনগৰৰ নিজা বাসভৱনৰ পৰা কনভয়ৰ যোগেদি ২৩ নম্বৰ ভোটগ্ৰহণ কেন্দ্ৰত উপস্থিত হৈ ভোটদান সাব্যস্ত কৰে । মাজুলীৰ লগতে ডিব্ৰুগড়ৰ আটাইকেইটা ৱাৰ্ডতে এইবাৰ বিজেপিয়ে সৰ্বাধিক আসন লাভ কৰি জয় যুক্ত হ'ব বুলিও উল্লেখ কৰে মন্ত্ৰীগৰাকীয়ে । লগতে তেওঁ কয় যে, ৰাইজক সুৰক্ষা আৰু উন্নয়ন দিব পৰা একমাত্ৰ দল এতিয়া বিজেপি, সেয়ে ৰাইজে বিজেপিত ভোট দিব ।