Theft at Kalgasia: কলগাছিয়াত চুৰে লুটিলে নগদ ধনসহ সোণৰ অলংকাৰ

বৰপেটা জিলাৰ কলগাছিয়াত দিনক দিনে বৃদ্ধি পাইছে চোৰৰ উপদ্ৰৱ (Theft in Kalgasia)। কলগাছিয়া আৰক্ষী থানাৰ অন্তৰ্গত বৰভিঠা আৰক্ষী চকীৰ সমীপত কান্দুলিত সোমবাৰে নিশা সংঘটিত হয় এক চুৰিকাণ্ড । কলগাছিয়াৰ কান্দুলিয়া গাঁৱৰ জিয়াৰুল ইছলামৰ ঘৰত পুৱতি নিশা চোৰে লুটিলে ৪৩ হাজাৰ নগদ ধনৰ লগতে সোণ-ৰূপৰ আ-অলংকাৰ । নিশা সিন্ধি খান্দি চোৰে ঘৰত ভিতৰত প্ৰৱেশ কৰি নগদ ধন আৰু সোণ-ৰূপৰ অলংকাৰসহ ডেৰ লাখ টকাৰ সামগ্ৰী চুৰি কৰে । পিছত ঘটনাস্থলীত বৰভিঠা আৰক্ষী উপস্থিত হৈ তদন্ত আৰম্ভ কৰিছে (Barvitha Police Station)। ইতিমধ্যে ভুক্তভোগী পৰিয়ালে বৰভিঠা আৰক্ষী চকীত চুৰিকাণ্ড সন্দৰ্ভত এখন এজাহাৰ দাখিল কৰিছে ।