Theft Incident in Karimganj: আসাম ৰাইফলছৰ জোৱানৰ ঘৰত চুৰিকাণ্ড

মাথো কেইঘণ্টামান ঘৰত নথকাৰ ফলত সৰ্বশ্ৰান্ত হ’ল এটা সেনা পৰিয়াল ৷ সন্ধ্যাৰ ভাগত পৰিয়ালৰ সদস্য ঘৰত নথকাৰ সুযোগত ঘৰৰ মূল্যৱান সামগ্ৰী লৈ উধাও হ’ল এটা চোৰৰ দলে ৷ উল্লেখ্য যে, এবাৰ দুবাৰ নহয় বিগত কেইমাহত তিনিবাৰ কৈ চুৰিকাণ্ড সংঘটিত হৈছে কৰিমগঞ্জ চহৰৰ চেটেলমেন্ট ৰোডৰ বিদ্যাৰ্থী লেন এলেকাৰ বাসিন্দা আসাম ৰাইফলছৰ জোৱানজনৰ ঘৰত (Theft Incident in Karimganj ) ৷ এই ঘটনা কৰিমগঞ্জ চহৰৰ চেটেলমেন্ট ৰোডৰ বিদ্যাৰ্থী লেন এলাকাত ৷ জোৱানজন সম্প্ৰতি জম্মু কাশ্মীৰত কৰ্মৰত ৷ পৰৱৰ্তী সময়ত পৰিয়ালৰ লোক উভতি আহি এই দৃশ্য দেখি মুৰে-কপালে হাত দিয়ে ৷ তলা ভাঙি নগদ ধন আৰু সোণ ৰূপৰ অলংকাৰ চুৰি কৰি লৈ যায় চোৰে ৷ এনে চুৰিকাণ্ডৰ ফলত অঞ্চলবাসীৰ মাজত এক আতংকময় পৰিৱেশৰ সৃষ্টি হৈছে ।