Body Found at Khumtai : এসপ্তাহৰ অন্তত উদ্ধাৰ হ’ল খুমটাই বাগিচাৰ বাবা মালৰ মৃতদেহ

অৱশেষত সাত দিনৰ অন্তত উদ্ধাৰ হ’ল খুমটাই চাহ বাগিচাৰ বাবা মালৰ মৃতদেহ ৷ সোমবাৰে মৰাণহাট থানাৰ অন্তৰ্গত খুমটাই চাহ বাগিচাৰ (Khumtai tea estate) পথাৰ লাইনত থকা এটা পুখুৰীৰ পৰা উদ্ধাৰ কৰা হয় যুৱকজনৰ মৃতদেহ (Body Found at Khumtai) ৷ মৃত বাবা মালৰ আত্মীয়ই উল্লেখ কৰা অনুসৰি, বিগত ২৬ ডিচেম্বৰৰ দিনাই কেইজনমান বন্ধুক লগ কৰিবলৈ ঘৰৰ পৰা ওলাই গৈছিল ৷ পুৱাই ঘৰৰ পৰা ওলাই যোৱা বাবা মালৰ সন্ধিয়া ভাগলৈকে বহু বিচাৰ খোচাৰ কৰাৰ অন্ততো কোনো সম্ভেদ নাপায় পৰিয়ালৰ লোকে কাষ চাপে আৰক্ষীৰ ৷ কিন্তু বিগত সাত দিনে বাগিচাখনৰ ৬ নম্বৰ লাইনৰ বেনী মালৰ পুত্ৰ বাবা মাল ওৰফে বিচন মালৰ কোনো সন্ধান উলিয়াব নোৱাৰিলে চৰাইদেউ জিলাৰ মৰাণহাট থানাৰ আৰক্ষীয়ে ৷ অৱশেষত মৃত অৱস্থাত এটা পুখুৰীৰ পৰা সোমবাৰে পুৱা উদ্ধাৰ বাবা মালৰ মৃতদেহ ৷ ইফালে এই ঘটনাটোক সহজভাৱে ল’ব পৰা নাই বাবা মালৰ পৰিয়ালৰ লোকে ৷ এয়া এক পৰিকল্পিত হত্যাকাণ্ড বুলিহে অভিহিত কৰিছে বাবা মালৰ আত্মীয়ই ৷ এই ঘটনা সন্দৰ্ভত ইতিমধ্যে মৰাণহাট আৰক্ষীয়ে তিনিজন যুৱকক আটক কৰি সোধপোছ অব্যাহত ৰাখিছে ৷