Suspected Maoist Detain: মাওবাদীৰ সন্দেহত কৰিমগঞ্জত আটক স্বামী-স্ত্ৰী

মাওবাদী নেতা কাঞ্চন দা ওৰফে অৰুণ কুমাৰ ভট্টাচাৰ্যক গ্ৰেপ্তাৰৰ পিছত পোহৰলৈ আহিছে ন-ন তথ্য । বৰাক উপত্যকাৰ বিভিন্ন চাহ বাগিচাত মাওবাদীৰ এক বিশাল নেটৱৰ্ক গঢ়ি উঠিছে । দেওবাৰে কৰিমগঞ্জৰ পাথাৰকান্দিৰ সোনাখিৰাৰ পৰা এনআইএ আটক কৰিছে স্বামী-স্ত্ৰীক (NIA detained suspected Maoist from Karimganj)। জানিব পৰা মতে সোনাখিৰা এলেকাৰ ৰাজু ওৰাং আৰু তেওঁৰ পত্নী পিংকি ওৰাঙক ঘৰৰ পৰাই এনআইএৰ এটা দলে আটক কৰিছে ৷ ইয়াৰোপি ৰাজু ওৰাঙৰ বাসগৃহৰ পৰা লেপটপ, ছবি অংকন কৰাৰ পেঞ্চিল, বিভিন্ন বাতৰি কাকতৰ পেপাৰ কাটিং, মেপ, মাওবাদীৰ প্ৰতি আকৃষ্ট কৰিব পৰা বিভিন্ন কিতাপ, দুটা মোবাইলফোনসহ বহু অপত্তিজনক সামগ্ৰী জব্দ কৰিছে এনআইএয়ে । জানিব পৰা মতে বিভিন্ন সময়ত মাওবাদীৰ শীৰ্ষ নেতাই দম্পতীটোৰ ঘৰত বাহৰ পাতিছিল ।