World Egg Day 2023: ৰোগ প্ৰতিৰোধ ক্ষমতা বৃদ্ধিৰ পৰা ওজন নিয়ন্ত্ৰণলৈকে কণীৰ আচৰিত উপকাৰিতা জানি লওক

কণীক ছুপাৰফুড বুলি জনা যায় । ইয়াত বহুতো পুষ্টিকৰ উপাদান পোৱা যায় যিবোৰ স্বাস্থ্যৰ বাবে অপৰিহাৰ্য । ইয়াত প্ৰ’টিন, ভিটামিন ডি, কেলচিয়াম আৰু বহুতো ভিটামিন পোৱা যায় । স্বাস্থ্য বিশেষজ্ঞসকলেও দৈনিক এটা কণী খোৱাৰ পৰামৰ্শ দিয়ে যাতে আপুনি বহু ৰোগৰ পৰা হাত সাৰিব পাৰে, গতিকে কণী খোৱাৰ উপকাৰিতাৰ বিষয়ে জানি লওক ।

আমি সকলোৱে জানো যে কণী স্বাস্থ্যৰ বাবে অতি উপকাৰী ৷ মানুহে প্ৰায়ে ব্ৰেকফাষ্টত ইয়াক গ্ৰহণ কৰে ৷ ইয়াক ব্যৱহাৰ কৰি বহু ধৰণৰ ৰেচিপি তৈয়াৰ কৰা হয় ৷ কণী সোৱাদযুক্ত হোৱাৰ উপৰিও স্বাস্থ্যৰ বাবেও ই অতি উপকাৰী ৷

সেয়ে ইয়াৰ উপকাৰিতাসমূহৰ বিষয়ে সজাগতা সৃষ্টিৰ উদ্দেশ্যে প্ৰতিবছৰে অক্টোবৰ মাহৰ দ্বিতীয় শুকুৰবাৰে বিশ্ব কণী দিৱস পালন কৰা হয় ৷ এই দিৱস উদযাপনৰ মূল উদ্দেশ্য হৈছে কণীৰ পুষ্টি আৰু ইয়াৰ স্বাস্থ্য উপকাৰিতাৰ বিষয়ে মানুহক সজাগ কৰা ৷ গতিকে এই বিশেষ দিনটোত জানো আহক কণী খোৱাৰ উপকাৰিতা কি কি ৷

প্ৰ’টিনৰ সমৃদ্ধ উৎস

কণীত প্ৰটিনৰ প্ৰচুৰ উৎস ৷ এটা সিজোৱা কণীত প্ৰায় ৬ গ্ৰাম প্ৰটিন থাকে ৷ দৈনিক সিজোৱা কণী খালে শৰীৰৰ প্ৰটিনৰ অভাৱ দূৰ কৰে ৷ যদি আপুনি ওজন কমাব বিচাৰে তেন্তে নিয়মিতভাৱে সিজোৱা কণী খাব লাগে ৷ ইয়াৰ ফলত পেশী গঠনত সহায় হয় ৷ ইয়াৰ উপৰিও কণী খালে চুলি আৰু নখ সুস্থ হৈ থাকে ৷

চকুৰ দৃষ্টিশক্তি উন্নত কৰাত সহায়ক

সিজোৱা কণীত বহুতো গুৰুত্বপূৰ্ণ পুষ্টিকৰ উপাদান পোৱা যায়, যিয়ে চকুক সুস্থ কৰি ৰখাত সহায় কৰে ৷ ইয়াত ভিটামিন-ই, ভিটামিন-এ লুটিন, জিএক্সান্থিন আৰু চেলেনিয়ামৰ দৰে বহুতো পুষ্টিকৰ উপাদান পোৱা যায়, যিয়ে চকুক ক্ষতিৰ পৰা ৰক্ষা কৰে ৷ বিশেষকৈ লুটিন আৰু জিএক্সান্থিনে চকুৰ লগত জড়িত ৰোগ হ্ৰাস কৰাত সহায় কৰে ৷

ৰোগ প্ৰতিৰোধ ক্ষমতা শক্তিশালী কৰে

শৰীৰটো সুস্থ কৰি ৰাখিবলৈ ৰোগ প্ৰতিৰোধ ক্ষমতা সবল কৰি ৰখাটো অতি প্ৰয়োজনীয় ৷ ইয়াৰ বাবে আপুনি আপোনাৰ খাদ্যাভ্যাসৰ বিশেষ যত্ন লোৱা উচিত ৷ ৰাতিপুৱাৰ ব্ৰেকফাষ্টত সিজোৱা কণী অন্তৰ্ভুক্ত কৰিব পাৰে ৷ ইয়াৰ কুহুমত ভিটামিন ডি পোৱা যায়, যিয়ে আপোনাক চৰ্দি আৰু ফ্লুৰ পৰা ৰক্ষা কৰে ৷ ইয়াক উৎকৃষ্ট ৰোগ প্ৰতিৰোধ ক্ষমতা বৃদ্ধিকাৰী হিচাপে জনা যায় ৷ কণী খালে শৰীৰে প্ৰয়োজনীয় ভিটামিন আৰু খনিজ পদাৰ্থ লাভ কৰে ৷

মগজুৰ বাবে উপকাৰী

কণী স্বাস্থ্যৰ বাবে অতি লাগতিয়াল ৷ কণী খালে মগজুৰ স্বাস্থ্য উন্নত হয় ৷ কণীত ভিটামিন বি ১২, বি ৬, ক’লিন আৰু ফ’লেট আদি পোৱা যায় ৷ যিয়ে স্মৃতিশক্তি বৃদ্ধি কৰাত সহায় কৰে ৷

ছালখন সুস্থ কৰি ৰাখে

স্বাস্থ্যৰ লগতে ছালৰ বাবেও স্বাস্থ্যসন্মত আহাৰ অতি গুৰুত্বপূৰ্ণ ৷ এনে পৰিস্থিতিত আপুনি কণীক খাদ্যৰ অংশ হিচাপে ল’ব লাগিব ৷ ইয়াত চেলেনিয়াম পৰ্যাপ্ত পৰিমাণে পোৱা যায়, যিয়ে আপোনাৰ ছালখনক সুস্থ ৰখাৰ কৰি ৰাখে ৷

লগতে পঢ়ক: Desi Ghee: দেশী ঘিউৰ অত্যধিক সেৱনে শৰীৰৰ ক্ষতি কৰিব পাৰে নেকি, বিশেষজ্ঞৰ পৰা জানি লওক