দিনক দিনে শীতৰ প্ৰকোপ বাঢ়িবলৈ আৰম্ভ কৰিছে ৷ এনে পৰিস্থিতিত বহুলোকে তেওঁলোকৰ খাদ্য তালিকাত পৰিৱৰ্তন কৰিবলৈ আৰম্ভ কৰিছে ৷ শীতকালত শৰীৰ গৰম ৰাখিবলৈ অধিক সংখ্যক লোকে অত্যাধিক পৰিমাণে চাহ খায় ৷ প্ৰকৃততে, শীতকালত নিজকে স্বাস্থ্যৱান কৰি ৰাখিবলৈ পুষ্টিকৰ বস্তু খাব লাগে ৷ এনে খাদ্যই শৰীৰটোক স্বাস্থ্যৱান কৰি ৰখাৰ লগতে বহু ৰোগৰ পৰা পৰিত্ৰাণ দিয়ে ৷ বিশেষজ্ঞসকলৰ মতে, এই দিনকেইটাত আপোনাৰ খাদ্য তালিকাখন সলনি কৰি কেতবোৰ বিশেষ খাদ্য অন্তৰ্ভূক্ত কৰিব লাগে ৷ এই খাদ্যই চৰ্দিৰ দৰে সংক্ৰামক ৰোগৰ পৰাও আঁতৰাই ৰাখে ৷ আজি এই খাদ্যসমূহৰ বিষয়ে জানো আহক-
- গুড়
শীতকালত ৰাতি টোপনি যোৱাৰ আগতে গুড় খাব লাগে ৷ গুড়ত যথেষ্ট পৰিমাণৰ আইৰণ থাকে, যিয়ে ৰক্তহীনতাৰ দৰে বিপদজনক ৰোগ প্ৰতিৰোধ কৰাত সহায় কৰে ৷ গুড় খালে হজম শক্তিও উন্নত হয় ৷ গুড়ে শৰীৰৰ পৰা বিষাক্ত পদাৰ্থও আঁতৰ কৰাৰ লগতে শীতকালত ঠাণ্ডাৰ পৰাও সুৰক্ষা দিয়ে ৷
- আদা
শীতকালত খাদ্য তালিকাত আদা অন্তৰ্ভূক্ত কৰাটোও খুব দৰকাৰী ৷ বিশেষজ্ঞসকলৰ মতে, আদাৰ ৰসৰ সৈতে মৌ মিহলি কৰি খাব লাগে ৷ আদাৰ প্ৰদাহ-প্ৰতিৰোধী গুণাগুণ আছে, যিয়ে শীতকালত গাঁঠিৰ বিষৰ পৰা সকাহ দিয়ে ৷ আৰ্থ্ৰাইটিছৰ সমস্যাতো আদা খোৱাটো অতি উপকাৰী বুলি গণ্য কৰা হয় ৷
- ঘিউ
ঘিউত অমেগা-৩ ফেটি এচিড আৰু স্বাস্থ্যকৰ চৰ্বি থাকে ৷ ই আপোনাৰ সামগ্ৰিক স্বাস্থ্যৰ ওপৰতো যথেষ্ট প্ৰভাৱ পেলায় ৷ ঘিউত ভিটামিন-এ, ভিটামিন-ডি আৰু ভিটামিন-ই প্ৰচুৰ পৰিমাণে পোৱা যায় ৷ ঘিউ খালে হাড়ৰ সৈতে সম্পৰ্কিত সমস্যাবোৰো দূৰ হয় ৷ নিয়মীয়াকৈ ঘিউ খোৱাটোৱে আপোনাক উদ্যমী কৰি ৰখাটো যথেষ্ট সহায় কৰে ৷
- মৌ
ঠাণ্ডাৰ দিনকেইটাত আপুনি আপোনাৰ আহাৰত মৌ অন্তৰ্ভুক্ত কৰিব পাৰে ৷ ই আপোনাৰ ৰোগ প্ৰতিৰোধ ক্ষমতা শক্তিশালী কৰে আৰু সংক্ৰমণ ৰোধ কৰে ৷ মৌক ভিটামিন, খনিজ আৰু এণ্টিঅক্সিডেণ্টৰ শক্তিক্ষেত্ৰ বুলিও গণ্য কৰা হয় ৷ ই শৰীৰৰ পৰা বিষাক্ত পদাৰ্থ আঁতৰ কৰে ৷ শীতকালত ইয়াক সেৱন কৰাটো চুলি আৰু ছালৰ বাবেও অতি উপকাৰী ৷
- ডালচেনি
শীতকালত চৰ্দি দূৰ কৰিবলৈ ডালচেনিক অতি উত্তম বুলি গণ্য কৰা হয় ৷ ডালচেনি খোৱাৰ ফলত শৰীৰৰ বিপাকীয় স্তৰ বৃদ্ধি হয়, যিয়ে শৰীৰক তাপ প্ৰদান কৰে ৷ কাহৰ ঘৰুৱা প্ৰতিকাৰ হিচাপেও আপুনি ডালচেনি ব্যৱহাৰ কৰিব পাৰে ৷ ইয়াৰ বাহিৰেও, ডালচেনিত এণ্টিঅক্সিডেণ্ট থাকে, যিয়ে শৰীৰক সংক্ৰমণৰ পৰা সুৰক্ষিত কৰে ৷
লগতে পঢ়ক: পুৱা খালী পেটত এগিলাচ বিলাহীৰ ৰস খোৱাৰ এই আচৰিত গুণাগুণ জানি লওক
