প্ৰতিদিনে পুৱা আৰু গধূলি খোজ কঢ়াটো স্বাস্থ্যৰ বাবে অতি উপকাৰী ৷ ইয়াৰ দ্বাৰা আপোনাৰ শৰীৰে বহুতো স্বাস্থ্য উপকাৰিতা লাভ কৰে ৷ বহুতে দৈনিক খোজ কাঢ়িবলৈ যায় যদিও শীতকাল অহাৰ লগে লগে খোজ কঢ়াটো বন্ধ কৰি দিয়ে ৷ পুৱা উঠিবলৈ এলেহুৱা অনুভৱ কৰে আৰু কিছুমানে পুৱা উঠিবলৈ অসুবিধা অনুভৱ কৰে ৷ মৰ্নিং ৱাক স্বাস্থ্যৰ বাবে অতি উপকাৰী ৷ ই আপোনাৰ বিপাকীয় ক্ৰিয়া বৃদ্ধি কৰে আৰু হৃদযন্ত্ৰ-মগজুৰ স্বাস্থ্য উন্নত কৰে ৷ ইয়াৰ ফলত শৰীৰৰ ওজন নিয়ন্ত্ৰণত থাকে ৷ কিন্তু শীতকালত হৃদৰোগৰ আশংকা বেছি হোৱা দেখা যায় ৷
অধ্যয়নত দেখা গৈছে যে শীতকালত বিশেষকৈ বয়সস্থ ৰোগীৰ ক্ষেত্ৰত এচিএছ (Acute coronary syndrome)ৰ হাৰ অধিক হোৱাৰ সৈতে জড়িত ৷ এচিএছৰ ফলত হোৱা এটেক আৰু মৃত্যুৰ সংখ্যাও শীতকালত বেছি হোৱা দেখা যায় ৷ চিকিৎসকৰ মতে, ঠাণ্ডাৰ বাবে ৰক্তবাহী নলী সংকুচিত হয় ৷ ইয়াৰ ফলত ৰক্তচাপ বৃদ্ধি পাব পাৰে, যাৰ বাবে হাৰ্ট এটেক আৰু ষ্ট্ৰোকৰ সম্ভাৱনা বৃদ্ধি পাব পাৰে ৷ এনে পৰিস্থিতিত পুৱা খোজ কাঢ়িলে ইয়াৰ সম্ভাৱনাও কমি যায় ৷ তেন্তে জানো আহক শীতকালত শৰীৰক সুস্থ কৰি ৰাখিবলৈ আমি কেতিয়া আৰু কিমান সময়লৈকে খোজ কাঢ়িব লাগে ৷
শীতকালত খোজ কাঢ়িবলৈ যাওঁতে মনত ৰাখিব এইবোৰ কথা-
- সম্পূৰ্ণ শৰীৰ ঢাকি ৰখা কাপোৰ পিন্ধি খোজ কাঢ়িবলৈ যাওক ৷
- সম্পূৰ্ণৰূপে শৰীৰ ঢাকিহে ঘৰৰ পৰা ফুৰিবলৈ ওলাই যাব লাগে ৷
- গৰম কাপোৰ পিন্ধি খোজ নাকাঢ়িব ৷
- আৰম্ভণিতে বেছি বেগেৰে নাযাব ৷
- হৃদযন্ত্ৰৰ সমস্যা, হাঁপানী বা নিউমোনিয়া হ'লে পুৱা খোজ কাঢ়িবলৈ নাযাব ৷
- বয়োজ্যেষ্ঠ লোকে শীতকালত খোজ কঢ়াৰ পৰা বিৰত থাকিব লাগে ৷
- প্ৰথমে লাহে লাহে খোজ কাঢ়িবলৈ আৰম্ভ কৰক আৰু তাৰ পিছত গতি বৃদ্ধি কৰক ৷
- শীতকালত পুৱা ৮.৩০ৰ পৰা ৯.৩০ আৰু সন্ধিয়া ৫ৰ পৰা ৬ বজাৰ ভিতৰত খোজ কাঢ়িব পাৰে ৷
বিশেষজ্ঞসকলৰ মতে, দৈনিক ১০ হাজাৰ খোজ কাঢ়িলে স্বাস্থ্যৰ বাবে উপকাৰী ৷ শীতকালত সপ্তাহত কমেও পাঁচ দিন আধা ঘণ্টা খোজ কাঢ়িবলৈ যাওক, ইয়াৰ ফলত আপুনি বহু ৰোগৰ পৰা ৰক্ষা পাব পাৰে ৷
লগতে পঢ়ক: আপোনাৰো পুৱাৰ ভাগত বমি হয় নেকি ? এয়া হ’ব পাৰে ইয়াৰ গুৰুতৰ কাৰণ
