আমাৰ পাকঘৰত এনে বহু বস্তু আছে যিবোৰ স্বাস্থ্যৰ বাবেও এক আশীৰ্বাদতকৈও কম নহয় ৷ পাকঘৰত বহুতো মছলা আৰু শাক-পাচলি থাকে যিয়ে বহু ৰোগৰ ধ্বংসকাৰী হিচাপে কাম কৰে ৷ ইয়াত থকা শাক-পাচলিবোৰৰ ভিতৰত এটা হ’ল নহৰু ৷ আপুনি নিশ্চয় শুনিছে যে পুৱা নহৰু খোৱাৰ বহু উপকাৰিতা আছে ৷ জানেনে নহৰু মৌত ডুবাই খালে ইয়াৰ উপকাৰ দুগুণ হয় ৷ কিন্তু আপুনি জানেনে মৌৰ সৈতে নহৰু খোৱাৰ উপকাৰিতা কিমান ? যদি আপুনি এই বিষয়ে জ্ঞাত নহয় তেন্তে এই প্ৰতিবেদনৰ জৰিয়তে জানো আহক...
নহৰুত ভিটামিন এ, ভিটামিন বি, ভিটামিন চি, প্ৰ’টিন, ফাইবাৰ, কেলচিয়াম, আইৰণ, ফেট আৰু এন্টিঅক্সিডেন্টকে ধৰি বহুতো পুষ্টিকৰ উপাদান পোৱা যায়৷ একে সময়তে মৌত এন্টি-বেক্টেৰিয়েল, এন্টিঅক্সিডেন্ট আৰু এন্টি-ইনফ্লেমেটৰী গুণো আছে ৷ নহৰুৰ লগত মৌ মিহলি কৰি খালে ইয়াৰ উপকাৰিতা বহুগুণে বৃদ্ধি পায় ৷
ৰোগ প্ৰতিৰোধ ক্ষমতাৰ বাবে
মৌ আৰু নহৰুত প্ৰচুৰ পৰিমাণে এন্টি-বেক্টেৰিয়েল আৰু এন্টি-অক্সিডেন্ট থাকে যিয়ে শৰীৰক চৰ্দি আৰু কাহৰ দৰে ঋতুভিত্তিক ৰোগৰ পৰা ৰক্ষা কৰাত সহায় কৰে ৷
ডিঙি বিষ
শীতকালত ডিঙিৰ সমস্যা হোৱাটো সাধাৰণ কথা ৷ ডিঙিৰ বিষ নিৰাময়ৰ স্বাভাৱিক উপায় হ’ব পাৰে মৌ আৰু নহৰু ৷ মৌৰ লগত নহৰু খালে ডিঙিৰ সংক্ৰমণৰ পৰা হাত সাৰিব পাৰি ৷
ওজন হ্ৰাস পায়
মেদবহুলতাত আক্ৰান্ত লোকসকলে নিশ্চিতভাৱে নহৰু আৰু মৌ সেৱন কৰিব লাগে ৷ ইয়াৰ সেৱনে বিপাকীয় ক্ৰিয়া বৃদ্ধি কৰে যিয়ে শৰীৰৰ ওজন নিয়ন্ত্ৰণ কৰাত সহায় কৰে ৷ খালী পেটত মৌ আৰু নহৰু সেৱন কৰিলে ওজন দ্ৰুতগতিত হ্ৰাস পাব পাৰে ৷
হৃদযন্ত্ৰৰ স্বাস্থ্য
মৌৰ লগত নহৰু খোৱাটোৱে হৃদযন্ত্ৰৰ স্বাস্থ্য সুস্থ কৰি ৰখাত অতি ফলপ্ৰসূ বুলি প্ৰমাণিত হ’ব পাৰে ৷ ইয়াত এনে বহু গুণ পোৱা যায় যিয়ে হৃদৰোগৰ সম্ভাৱনা হ্ৰাস কৰে আৰু হৃদযন্ত্ৰক শক্তিশালী কৰে ৷
হজম শক্তি
মৌৰ লগত নহৰু পেটৰ বাবে অতি উত্তম বুলি গণ্য কৰা হয় ৷ ইয়াৰ ফলত পেটৰ সকলো মলি আঁতৰাই পেটৰ লগত জড়িত ৰোগ নিৰাময় হয় ৷ পাচনতন্ত্ৰ সুস্থ কৰি ৰাখিবলৈ মৌ আৰু নহৰু নিয়মিতভাৱে সেৱন কৰিব লাগে ৷
নহৰু আৰু মৌ কেনেকৈ ব্যৱহাৰ কৰিব
- আপুনি গ্লাছৰ বটলত মৌ ভৰাই দিয়ে ৷
- বাকলি গুচাই নহৰুৰ কলিবোৰ ওলাই এই বটলত ভৰাই ১ সপ্তাহ মৌত তিয়াই থৈ দিয়ক ৷
- প্ৰতিদিনে পুৱা মৌৰ লগত এই নহৰু চোবাই খাব ৷
লগতে পঢ়ক: শীতকালত সুস্থ হৈ থাকিব হৃদযন্ত্ৰ-হাড়-ছাল, মাত্ৰ খাদ্যত অন্তৰ্ভুক্ত কৰক বাদাম
