ল’ৰাই হওক বা ছোৱালীয়েই হওক, ডেকাই হওক বা মহিলাই হওক, সকলোৱে নিজৰ চুলিৰ বাবে চিন্তা কৰে । নহয় জানো ? কাৰণ কোৱা হয় যে চুলিয়েই মানুহৰ সৌন্দৰ্য বৃদ্ধি কৰে ৷ সেয়েহে মানুহে চুলিৰ ক্ষেত্ৰত বিশেষভাৱে যত্ন লয় ৷ বিশেষকৈ যিসকলে চুলি দীঘলকৈ ৰাখে তেওঁলোকে বেছিকৈ চুলিৰ যত্ন লোৱা দেখা যায় । যাতে চুলিকোচা বেয়া হৈ নাযায় বা তলৰ পৰা ফাটি নাযায় বা সৰিবলৈ আৰম্ভ নকৰে ৷
কিন্তু যদি চুলি ফাটিবলৈ আৰম্ভ কৰে, তেতিয়া বিশেষকৈ যুৱতীসকলৰ চিন্তা বাঢ়ি যায় । এই ফাটি যোৱা চুলিয়ে, চুলিৰ বহু ক্ষতি কৰে আৰু চুলিৰ বৃদ্ধিত যথেষ্ট প্ৰভাৱ পেলায় । এনে চুলিক দুমুখীয়া চুলি বুলিও কোৱা হয় । কিন্তু আপুনি কেতিয়াবা ভাবিছেনে চুলিক কিয় দুমুখীয়া চুলি বুলি কোৱা হয় ?
কিয় দুমুখীয়া চুলি বুলি কোৱা হয় ?
যদি আপোনাৰ চুলিখিনি দীঘল হোৱালৈকে অতি ৰুক্ষ হৈ পৰিছে, তেন্তে নিশ্চিতভাৱে তলৰ ফালে চালে আপুনি দেখা পাব যে একেটা চুলি দুটা ভাগত বিভক্ত হৈ পৰিছে । এনে চুলিকে দুমুখীয়া চুলি বুলি কোৱা হয় । আচলতে এটা চুলিৰ পৰা বহু মূৰ ওলাব পাৰে ।
কিন্তু ইয়াৰ পিচতো ফাটি যোৱা চুলিক দুমুখীয়া চুলি বুলি কোৱা হয় । ইয়াৰ কাৰণ হ’ল আপোনাৰ চুলি ক্ষতিগ্ৰস্ত হৈছে, যাৰ বাবে এটা চুলিৰ পৰা আন এটা চুলি ওলাইছে আৰু দুটা মুখ দেখা পোৱা গৈছে । সেয়ে ইয়াক ‘দুমুখীয়া’ চুলি বুলি কোৱা হয় ।
কিয় হয় দুমুখীয়া চুলি ?
যেতিয়া চুলিৰ ক্ষতি হয় আৰু চুলিৱে উপযুক্ত পুষ্টি নাপায় তেতিয়া চুলি তলৰ পৰা ফাটিবলৈ আৰম্ভ হয় । উপযুক্ত পুষ্টিৰ অভাৱত চুলি দুৰ্বল হৈ পাতল হৈ ভাঙি যায় । সেয়েহে চুলি ফাটি যোৱাৰ পৰা ৰক্ষা কৰিবলৈ উপায় অৱলম্বন কৰিব লাগে । যদি বৃহৎ সংখ্যক চুলি এনেদৰে ফাটি গৈছে, তেন্তে সেইবোৰ কাটি পেলোৱাটোৱেই উত্তম বিকল্প ।
লগতে পঢ়ক : কেৱল হৃদযন্ত্ৰ-হাওঁফাওঁয়েই নহয় ধূমপানৰ ফলত ক্ষতিগ্ৰস্ত হয় আন অংগও
